عالام عاجاپتارى: مەيىرىمدى چەمپيون

1928 جىلى وليمپيا ويىندارى امستەردامدا ءوتتى. ەسكەك ەسۋ جارىسى كەزىندە اۋستراليالىق سپورتشى بوببي ءپيرستىڭ الدىنان ۇيرەكتەر شىعىپ قالادى. ارى قاراي ءوتىپ كەتۋدىڭ ورنىنا مەيىرىمدى سپورتشى ۇيرەكتەرگە جول بەرەدى. ول قۇستاردى باقىلاپ وتىرعاندا, قارسىلاسى ونى باسىپ وزادى. بىراق ۇيرەكتەر امان-ەسەن ءوز جولىمەن ءجۇزىپ بارا جاتقاندا, سپورتشى بار كۇشىن سالىپ, جەڭىسكە جەتتى. سولاي «مەيىرىمدى چەمپيون» دەگەن اتى تاريحتا قالدى.

جالاڭاياق جەلاياق

1960 جىلعى ريم وليمپياداسى كەزىندە ءبىر قىزىق جاعداي بولعان. 

ەفيوپيالىق مارافونشى ابەبە بيكيلا جارىس الاڭىندا تۇر. بىرەر مينۋتتان كەيىن جۇگىرۋى كەرەك. بىراق سپورتشىلارعا اياقكيىم بەرەمىز دەگەن دەمەۋشىلەر ونىڭ ولشەمىندەگى كروسسوۆكا تاپپاي, شاراسىز كۇيگە تۇسكەن. جەڭىسكە ەرەكشە قۇشتار ابەبەگە بۇل دا كەدەرگى بولعان جوق. ول جالاڭ اياق جۇگىردى. اياق­كيىمنىڭ جوقتىعىنا قاراماستان, مارەگە ءبىرىنشى بولىپ كەلىپ, التىن مەدال الدى. وليمپيادا تاريحىندا مۇنداي جاعداي ءالى تىركەلمەگەن.

سىنىق اياق گيمناست

سپورت جانكەشتىلىكتى تالاپ ەتەدى. جاپوندىق سۋن فۋدجيموتو دا ءدال سولاي ويلايدى.

1976 جىلى مونرەالدا وتكەن وليم­پيادادا گيمناستيكادان كومان­دالىق جارىس كەزىندە جاپوندىق سۋن فۋدجيموتو تىزەسىن سىندىرىپ الادى. سوندا دا بەرىلمەيدى. بىردە-ءبىر ءسوز ايتپاستان, جارىستى ءارى قاراي جالعاستىرادى. فينال­عا ءوتىپ, تاماشا ونەر كورسەتەدى. ساراپشىلاردىڭ باعالاۋى بويىنشا, سول جارىستا جاپونيا كەڭەستىك گيمناستاردى جەڭىپ, ءبىرىنشى ورىن يەلەنگەن ەدى.