اقمولا گارنيزونىنىڭ اسكەري سوتى توتەنشە جاعدايلار جونىندەگى بۇرىنعى ءبىرىنشى ۆيتسە-مينيستر يبراگيم كۇلشىمباەۆقا قاتىستى ۇكىمدى جاريالادى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى, دەپ جازادى Egemen.kz.
ول ءوزىنىڭ جەكە ءۇيىن سالۋ ءۇشىن اسكەري قىزمەتشىلەر مەن ارنايى تەحنيكانى تارتۋ تۋرالى قر توتەنشە جاعدايلار مينيسترلىگىنىڭ ۆەدومستۆولىق باعىنىستى مەكەمەلەرىنىڭ باسشىلىعىنا زاڭسىز نۇسقاۋلار بەرۋ ارقىلى بيلىكتى اسىرا پايدالانعانى ءۇشىن كىنالى دەپ تانىلدى.سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويىنا تىيىم سالىنىپ, 5 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى.سونىمەن قاتار سوت مەملەكەت باسشىسىنىڭ اتىنا كۇلشىمباەۆتى گەنەرال-مايور اسكەري اتاعىنان ايىرۋ تۋرالى ۇسىنىس ەنگىزۋگە قاۋلى شىعاردى.ۇكىم زاڭدى كۇشىنە ەنگەن جوق.