بوكستان ەرلەر قۇراماسى ساپىنان 63, 5 كەلىدە وليمپيادا جولداماسىنا سوڭعى بولىپ قول جەتكىزگەن مۇحاممەدسابىر بازارباي ۇلى پاريج تورىندە وتكەن باسەكەگە قاتىستى پىكىرىن الەۋمەتتىك جەلىدە جاريالادى, دەپ جازادى Egemen.kz.
ء«تورت جىلدا ءبىر كەلەتىن وليمپيادا ويىندارىنا جەتۋ ءۇشىن, قانشاما جەكپە جەك وتكىزىپ سوڭعى ليتسەنزيانى ج ۇلىپ العان ەدىم. وكىنىشكە قاراي, ءۇشىنشى كەزدەسۋدە جەڭىلىس تاپتىق.
بۇل وليمپيادا - مەنىڭ ءبىرىنشى وليمپيادام. وليمپياداعا قاتىسۋداعى ماقساتىم بار كۇشىمدى سالىپ, ءانۇرانىمىزدى شىرقاتۋ بولاتىن. ماقساتىما ءبىر تابان جاقىنداعانىممەن, قارسىلاسىمنان ءبىر ۇپايعا ۇتىلىپ قالدىم. سپورت بولعان سوڭ جەڭىس پەن جەڭىلىس قاتار جۇرەدى.
بۇل جارىس مەن ءۇشىن ۇلكەن تاجىريبە بولدى», دەپ جازدى مۇحاممەدسابىر بازارباي ۇلى.
ايتا كەتەيىك, مۇحاممەدسابىر بازارباي ۇلى وليمپياداداعى ەكى جەكپە-جەگىندە جەڭىسكە جەتىپ, جارتىلاي فينال جولداماسى ساراپقا سالىنعان كەزدەسۋدە گرۋزيالىق لاشا گۋرۋليگە ەسە جىبەردى.