جاساندى جازۋشى

ءبارىمىزدى تاڭداندىر­عان جاساندى جازۋشى – «Mystory» Astana Hub ۇيىمداستىرعان «Best AI Startup» اتالىمىندا 25 مىڭ دوللار جەڭىپ العان ەدى. ايتەمىر مۋدينوۆ پەن نۇريسلام ءاشىرماتوۆ جاساندى ينتەللەكتىنىڭ كومەگىمەن قاعاز كىتاپ باسىپ شىعارۋ يدەياسىن ويلاپ تاپقان. ىسكە اسىرعان. وندا كەز كەلگەن ادام وقيعانىڭ باستى كەيىپكەرى بولادى. بۇل تاپ­قىر توپتىڭ «حالىقارالىق» دەگەن اتاۋى دا بار. سەبەبى جوبانى ءار­تۇرلى ەلدەن, سونىڭ ىشىندە تمد ەلدەرىنەن جينالعان جىگىتتەر جاساپ جاتىر. نەگىزى «Mystory» جوباسى قىرعىزستاندا باستالىپ, قازاق نارىعىنا جەتكەن. قىرعىز-قازاق ەكونوميكاسىنىڭ بەرىك ينتەگراتسياسى مەن باۋىرلاستىق قارىم-قاتىناستىڭ ارقاسىندا ءبىزدىڭ ەلدە تۇراقتاپ قالعان.

ء«بىز جاساندى ينتەللەكتىمەن جۇمىس ىستەگىمىز كەلدى, سوعان قۇ­مار بولدىق. گەنەراتيۆ جۇيەلەر تانىمال بولا باستاعاندا, GPT ءۇشىنشى نۇسقاسى شىققان بويدا بۇل تاقىرىپتى زەرتتەي باستا­دىق ءارى ول بىزگە ۇنادى. باستاپقى­دا قاراپايىم داناسىن جاسا­دىق. ونىمگە سۇرانىس بار ەكەنىن كورگەن سوڭ, كىتاپ جاساۋ ۇدە­رى­سىن وڭتايلاندىرىپ, ءوزىمىزدىڭ باع­دارلامامىزدى جازا باستادىق. كىتابىمىزدىڭ باستى ەرەكشەلىگى – باس كەيىپكەرى ادامنىڭ ءوزى مەن تۋىستارى. كىتاپتى جاساندى ينتەللەكت جازادى. ول بالا بولسىن, ەرەسەك بولسىن, كىتاپتان ءوزىن تانيدى. وسىعان بايلانىستى ادام كىتاپتاعى حيكاياعا قىزىعۋشىلىق تانىتىپ, قاتىسۋعا اسىعادى, بۇل مازمۇندى كوبىرەك تۇتىنۋعا اسەر ەتەدى. بىزدەگى حيكايانىڭ ءبارى باسىنان باستاپ جازىلادى», دەدى ايتەمىر.

«قارا جاشىكتە» نە بار, كىتاپ­تار قالاي جاسالادى دەگەن سۇراق­تار تۋى مۇمكىن. باياندايىق. حيكايانى ويلاپ تابۋ ءۇشىن جىگىت­تەر بىرنەشە جاساندى ينتەللەكت ۇلگىسىن پايدالانىپ, ولارعا دەرەكتەردى ەنگىزىپ, ۇيرەتكەن. ناقتىراق ايتار بولساق, ءماتىن ءۇشىن – «ChatGPT», سۋرەت ءۇشىن – «Stable Diffusion». ءبىر قىزىعى, كىتاپتار ساپالى بولۋى ءۇشىن ونى جوبا اۆتورلارى وزدەرى تۇزەتەدى ەكەن. بۇل جەردەن جاساندى ينتەللەكت ادەبيەتتى بىزدەن تارتىپ الدى دەگەن پىكىردىڭ قيسىنسىز ەكەنىن كورەمىز. سەبەبى جاساندى ينتەللەكت ادامعا مۇقتاج. جا­ساندى زەردەگە كىتاپ جازدىرعان ايتەمىر دە قازىر جاساندى ينتەللەكت تولىقتاي ادامدى الماستىرا المايدى دەيدى. وعان ادام جاسايتىن كەيبىر ارەكەتتى ورىنداۋ ءۇشىن تاعى دا 15 جىل قاجەت. بىراق ويلى جانە كوركەم دۇنيە جاساپ شىعارۋ ءۇشىن وعان دەرەكتىڭ ۇلكەن قورى كەرەك. سۋرەتشىلەر جاساندى ين­تەللەكتىمەن جۇمىس ىستەي باس­تاعانى سەكىلدى ول شىعار­ما­شى­لىق­پەن تەز جانە ساپالى اينا­لىسۋعا عانا كومەكتەسەدى.

ء«بارى سونشالىقتى وڭاي ەمەس. كەيدە جاساندى ينتەللەكتىنىڭ جاز­عانى جارامايدى, ساندىراق­قا اينالادى. اسىرەسە ەڭ باسىندا قيىن بولدى. ءماتىننىڭ 80 پايى­زىن قايتا جازۋعا تۋرا كەلدى. بىراق ءبىز وعان ۇتىمدى سيۋجەت پەن ءستيلدىڭ مىسالدارىن بەرىپ ۇيرەتتىك, قا­زىر ءماتىن الدەقايدا جاقسى. ياعني بارلىعىن مۇمكىندىگىنشە اۆتوماتتاندىرۋ ءۇشىن باعدارلاما­لىق قۇرالدى ۇلكەيتتىك. جال­پى, قاشاندا شىعارماشىلىقتى قول­دايمىز جانە تەك ادام عانا شىعارماشىلىق ءونىم شىعارا الادى دەپ ەسەپتەيمىز. سوندىق­تان ءبىز تەحنولوگيا مەن كرەاتيۆتى بىرىكتىرۋگە تىرىسامىز», دەپ ويىمىزدى قۋاتتاي ءتۇستى ول.

جىگىتتەر ءاۋ باستان ستارتاپتى ءوز قارجىلارىمەن اياققا تۇر­عىزعان. سولاي ايىنا 10 مىڭ دول­لار تابىسقا شىققان. بۇدان كە­يىن تەزىرەك ءوسۋ ءۇشىن كوماندانى كەڭەيتىپ, قوسىمشا ماماندار مەن مەنەدجەرلەر العان. قازىر ساتىلىمنىڭ ءبارى دەرلىك قازاقستاندا, ازداپ قىرعىزستان­نان تاپسىرىس تۇسەدى. كورشىلەس وزبەكستان مەن تاجىكستانعا دا شىعايىن دەپ جاتىر. تۇركيا دا جوسپارلارىندا بار. ايتسە دە, تولىق ءوسۋ ءۇشىن اقش نارىعىنا شىعۋ كەرەك.

ء«بىز قازىر «B2C» جانە «B2B» باعىتىندا جۇمىس ىستەيمىز. ءبى­رىن­­شىسى, نەگىزىنەن اتا-انالار, ولار ءوزىنىڭ بالاسى سۇيىكتى كە­يىپ­كەرلەرىمەن بىرگە الەمدى قا­لاي قۇتقارعانى جانە قانداي مە­يىرىمدى ءىس جاساعانى تۋرالى كىتاپ جازۋدى سۇرايدى. ءبىز مۇنداي حي­كايا­لارعا پايدالى ەلەمەنتتەر قوسامىز, مىسالى ورمەكشى ادام سيۋجەتتە ويىنشىقتارىڭدى جيناپ جۇرسەڭ, مىقتى بولاسىڭ دەيدى. مۇنى بالانىڭ سۇيىكتى كەيىپكەرى ايتقاندىقتان, بالالار شىنىندا دا ويىنشىقتارىن جيناي باس­تايدى. اتا-انالار بۇعان اڭ-تاڭ. كىتاپ بالاعا عانا ارنالعاندىقتان, ەرەكشە اسەر ەتەدى. B2B سەگمەنتىندە قىزمەتكەرلەرگە, سەرىكتەستەرگە, كليەنتتەرگە جانە ارىپتەستەردىڭ تۋعان كۇنىنە سىيلاۋ ءۇشىن كومپانيالار ءبىزدىڭ كىتاپقا تاپسىرىس بەرەدى. كەم دەگەندە 10–20 كىتاپ الىپ كەتەدى. كورپوراتيۆتىك جۇ­يەدە دە ءبىزدىڭ كىتاپتارىمىزدى قولدانۋعا بولاتىن يدەيالار بار», دەپ جۇمىستىڭ بارىسىن ءتۇسىن­دىر­دى ايتەمىر.

الداعى ۋاقىتتا جىگىتتەر ءبىر مەزەتتە بالانىڭ وي-ساناسىنىڭ دامۋىنا اسەر ەتەتىن ءتۇرلى ويىن نۇسقاسىنداعى ءبىلىم ماز­مۇنىن جاساعىسى كەلەدى. كىتاپ­تار, كەيىن كوميكس پەن مانگا, بولاشاقتا مۋلتفيلمدەر مەن فيلمدەردى جاساندى ينتەللەكت ارقىلى ىسكە اسىرماق. «بالا كەزى­مىزدە كىتاپتار, كوميكستەر مەن مۋلت­فيلمدەر قيىندىقتاردان وتۋگە كومەكتەستى. ءبىزدىڭ ءونىم بالالار مەن ەرەسەكتەرگە ومىردەگى قيىن ساتتەردى جەڭۋگە, باقىتتى بولۋعا كومەكتەسەتىنىنە سەنەمىز», دەپ اياقتادى ءسوزىن ايتەمىر.

كورىپ وتىرعانىمىزداي, ادە­بيەتتە دە جاساندى ينتەللەكت قول­دانۋ ءورىس الىپ بارادى. فانتاست جازۋشى تيم بۋشەت 9 ايدا 97 عى­لىمي فانتاستيكالىق كىتاپ جا­زۋ ءۇشىن نەيروندىق جەلىلەر­دى پايدالانعان. بۇل كىتاپتاردا 2 مىڭ­نان 5 مىڭعا دەيىن ءسوز بار. بۋ­شەتتىڭ ايتۋىنشا, ءبىر كىتاپ­تى جازۋ 6–8 ساعاتقا دەيىن سوزىلادى ەكەن, ال كەيدە ونى 3 ساعاتتا اياقتاۋعا بولادى. ادەبيەتتە جاساندى ينتەللەكتىنى قولدانۋعا كوپ­شىلىك نارازى. كەيبىرى ادام شىعارماشىلىعىنىڭ كرەا­تيۆ­تىلىگى مەن تابيعيلىعىن جويا­دى دەپ قورقادى. كەيبىرى نەي­رون­دىق جەلىلەردى پايدالانۋ جازۋ­شىلارعا ۋاقىت تاۋىپ بەرىپ, ونىم­دىلىكتى ارتتىرادى دەپ سانايدى. قانشاما قايشىلىققا قاراماس­تان جاساندى ينتەللەكت ءومىرىمىزدىڭ بارلىق بولىگىنە ەنىپ كەتتى.