ەلورداداعى بەيبارىس سۇلتان كوشەسىندە «بۇركىتشى» اتتى جاڭا مۋرال سالىندى. ول 2024 جىلدىڭ 8-14 قىركۇيەگى ارالىعىندا قالادا وتەتىن دۇنيەجۇزىلىك كوشپەندىلەردىڭ ويىندارىنا ارنالعان, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
مۋرالدىڭ بيىكتىگى - 16 مەتر. وندا بۇركىتتى اسپانعا ۇشىرعان بۇركىتشى ەر ادام بەينەلەنگەن, بۇل ويىنداردىڭ باستالۋىن بىلدىرەدى. سۋرەتتىڭ فونىندا كوشپەلىلەردىڭ كوركەم جەرلەرى, كوشپەلى ءومىر بوستاندىعى مەن مادەني ءداستۇردى بەينەلەيتىن تاۋلار مەن كيىز ۇيلەر بار.
دۇنيەجۇزىلىك كوشپەندىلەر ويىندارى - بۇل ەتنيكالىق سپورت تۇرلەرىنە ارنالعان حالىقارالىق سپورتتىق جارىستار. وعان مادەني مۇرا مەن كوشپەلى ءومىر رۋحىن جەتكىزەتىن ورتالىق ازيانىڭ كوشپەلى ەتنوستارىنىڭ حالىقتىق ويىندارى كىرەدى.
ءىس-شاراعا الەمنىڭ 89 ەلىنەن 2000-عا جۋىق سپورتشى قاتىسادى.
استانادا وتەتىن دۇنيەجۇزىلىك كوشپەلىلەر ويىندارىندا سپورتتىڭ 21 تۇرىنەن 97 مەدال جيىنتىعى ساراپقا سالىنادى.