جاڭا وقۋ جىلىندا بارلىعى 7,9 مىڭ ءبىلىم بەرۋ ۇيىمىندا 3,9 ملن وقۋشى ءۇشىن ساباق باستالادى, ونىڭ ىشىندە 360 مىڭ بالا مەكتەپ تابالدىرىعىن العاش رەت اتتايدى. بۇل تۋرالى وقۋ-اعارتۋ ءمينيسترى عاني بەيسەمباەۆ ۇكىمەت وتىرىسىندا ايتتى, دەپ حابارلايدى Egemen.kz.
ءمينيستردىڭ ايتۋىنشا بۇگىنگى تاڭدا مەكتەپتەردىڭ 90% وقۋلىقپەن قامتىلعان. سونداي-اق الەۋمەتتىك وسال ساناتتاعى وقۋشىلاردى قولداۋ شارالارى دا جالعاسىپ جاتىر.
«بالالاردى وقۋ قۇرالدارىمەن جانە قاجەتتى تاۋارلارمەن قامتاماسىز ەتۋ ماقساتىندا جالپىعا بىردەي ءبىلىم بەرۋ قورى اياسىندا 22,6 ملرد تەڭگە قاراجات ءبولىندى. ول 510 مىڭ بالانى مەكتەپكە دايىندىقپەن قامتۋعا جۇمسالادى», دەدى ع.بەيسەمباەۆ.
ونىڭ ايتۋىنشا, 1 قىركۇيەكتەن باستاپ 1,7 ملن وقۋشى مەكتەپتەردە تەگىن تاماقتانۋمەن قامتىلادى. ولاردىڭ قاتارىندا 1-4 سىنىپ وقۋشىلارى جانە الەۋمەتتىك وسال توپ ساناتىنداعى وتباسى بالالارى بار.