بوكستان ۇلتتىق قۇرامانىڭ باس باپكەرى مىرزاعالي ايتجانوۆ شيرەك فينالعا بايلانىستى ءوز پىكىرىن ءبىلدىردى, دەپ حابارلايدى Egemen.kz.
«وليمپيادا ويىندارى ءبىز ءۇشىن ءساتسىز بولدى. حالىق ءبارىن كورىپ وتىر. ساكەن رينگتە بار كۇشىن سالدى. بارلىعىن تورەشىلەرگە اۋدارا سالعىم كەلمەيدى. كىمنىڭ قولىن كوتەردى, سول جەڭىسكە جەتتى. كەزىندە ەكى عانا قولا العان ءساتىمىز بولىپ ەدى. بۇگىن وعاندا قول جەتكىزە المادىق. الەمنىڭ ەكى مىقتى بوكسشىسى كەزدەسىپ, وتە جاقىن دەڭگەيدە ءوتتى. مەن ءۇشىن ساكەن — جەڭىمپاز. ساكەن ەكى راۋندتا جەڭىپ, ءۇشىنشى راۋندتا تەڭ ءتۇستى», - دەدى باس باپكەر.
ايتا كەتەيىك, ەرلەر باسەكەسىندە تەك 80 كەلىدەگى الەم چەمپيونى نۇربەك ورالباي عانا جارتىلاي فينالعا شىعا الدى.