8-13 قىركۇيەك ارالىعىندا قازاقستان استاناسىندا 5-ءشى دۇنيەجۇزىلىك كوشپەلىلەر ويىندارى وتەدى. قازىرگى ۋاقىتتا اسىق اتۋ, وردو, ارقان تارتۋ, قازاق كۇرەسى, اشىرتمالى ابا گۇرەشي, قۇراش, كوراش, الىش, ماس-رەستلينگ, ءداستۇرلى ساداق اتۋ سياقتى جارىستاردىڭ تۇرلەرىنە بيلەتتەر ونلاين-ساتىلىمدا بار, دەپ حابارلايدى Egemen.kz 5-ءشى دۇنيەجۇزىلىك كوشپەلىلەر ويىندارىنىڭ ديرەكتسياسىنا سىلتەمە جاساپ.
5 تامىزدان باستاپ بارلىق نيەت بىلدىرۋشىلەر ءۇشىن ويىنداردىڭ اشىلۋ سالتاناتىنا بيلەتتەر قولجەتىمدى بولادى. حالىقتىڭ كەيبىر ساناتتارى ءۇشىن جەڭىلدىكتەر قاراستىرىلعان.
تولىق اقپاراتتى مىنا سىلتەمە بويىنشا الۋعا بولادى: https://worldnomadgames.kz/kz.
ايتا كەتەيىك, 5-ءشى دۇنيەجۇزىلىك كوشپەلىلەر ويىندارى 8-13 قىركۇيەكتە استانادا وتەدى. ءىس-شاراعا الەمنىڭ 89 ەلىنەن 2000-عا جۋىق سپورتشى قاتىسادى. سپورتتىڭ 21 تۇرىنەن 97 مەدال جيىنتىعى ساراپقا سالىنادى.
سپورتتىق جارىستار مەن مادەني ءىس-شارالارعا 100 مىڭنان استام تۋريست كەلەدى دەگەن بولجام بار.