وقيعا قوناەۆ قالاسىندا بولعان. قوعامدىق كولىكتە مىنگەن ەر ادام جولاۋشىلاردىڭ بىرىنە پىشاق سۇققان, دەپ حابارلايدى Egemen.kz.
الەۋمەتتىك جەلىلەردە تاراعان بەينەماتەريالعا زەر سالساق, موينىنان جاراقات العان ەر ادامدى بايقاۋعا بولادى. كۋاگەرلەردىڭ ايتۋىنشا, قانسىراعان ەر ادام جولاۋشى قىزدىڭ ۇستىنە قۇلاي جازداعان.
انىقتالعانداي, 1983 جىلى تۋعان م. ەسىمدى ازامات قالالىق اۋرۋحاناعا جەتكىزىلگەن.
جەرگىلىكتى پوليتسيا قىزمەتكەرلەرىنىڭ مالىمەتىنشە, شابۋىل جاساعان ەر ادام ۋاقىتشا ۇستاۋ يزولياتورىنا قامالدى.
«جەدەل ىزدەستىرۋ ءىس-شارالارى بارىسىندا قوناەۆ قالالىق پوليتسيا ءبولىمىنىڭ قىزمەتكەرلەرى 41 جاستاعى ەر ادامدى پىشاقتاپ كەتكەن 36 جاستاعى س. ەسىمدى وبلىس ورتالىعىنىڭ تۇرعىنىن ۇستاپ, پوليتسياعا جەتكىزدى. قوعامدىق كولىكتە ادام ولتىرۋگە وقتالۋ فاكتىسى قالالىق پوليتسياعا تىركەلدى», دەپ حابارلادى الماتى وبلىسى پوليتسيا دەپارتامەنتىنىڭ ءباسپاسوز قىزمەتى.
تەرگەۋ امالدارى جۇرگىزلىپ جاتىر.
پىشاق جاراقاتىن العان جولاۋشىنىڭ جاعدايى ازىرگە بەلگىسىز.