قر ەكولوگيا جانە تابيعي رەسۋرستار ءمينيسترى ەرلان نىسانباەۆ ۇكىمەتتە وتكەن ءباسپاسوز ءماسليحاتىندا بۋرابايداعى جۇمباقتاس جارتاسىنا شىعۋعا تىيىم سالۋ تۋرالى ۇسىنىسقا تۇسىنىكتەمە بەردى, دەپ حابارلايدى Egemen.kz.
«بۇل اقىلعا قونىمدى ۇسىنىس. بۇگىندە جارتاسقا بارۋعا جانە وندا جۇزۋگە تىيىم سالىنبايدى. بىراق تاس مۇسىندەردى بوياۋعا تىيىم سالىنادى. دەگەنمەن, مەن بۇل فاكتىلەردىڭ (ۆانداليزم اكتىلەرى) كوبەيۋىنە بايلانىستى دۇرىس ۇسىنىس دەپ سانايمىن. بۇل جارتاسقا بارۋعا تىيىم سالۋ تۋرالى شەشىم قابىلداۋ قاجەت», دەدى دەدى ەرلان نىسانباەۆ.
ايتا كەتەيىك, 2024 جىلدىڭ 6 ماۋسىمىندا اقتاۋ تۇرعىنى نۇركەن ءتاجىباي الەۋمەتتىك جەلىدە بۋرابايدىڭ باستى كورىكتى جەرى – جۇمباقتاس جارتاسى بەينەلەنگەن ۆيدەو جاريالاعان. ۆيدەودا اۆتور جۇمباقتاستىڭ سۇلۋلىعىنا ەمەس, سىرتقى تۇرىنە ءمان بەرىپ, قاراۋدى وتىنگەن.
راسىندا دا ۆيدەودان جارتاسقا جازىلعان ءتۇرلى جازۋلاردى بايقاۋعا بولادى.