بۇل تۋرالى ەلوردا اكىمدىگىنىڭ رەسمي سايتى حابارلادى, دەپ جازادى Egemen.kz.
«بايتاق» جاسىلدار پارتياسىنىڭ ۇيىمداستىرۋىمەن ترياتلون ساياباعىندا BAYTAQ RUN FEST اتتى ەكو جۇگىرۋ فەستيۆالى ءوتىپ, ءار قاتىسۋشى 5 شاقىرىمدى باعىندىردى.
ايتا كەتسەك, اتالعان فەستيۆال استانادا ەكىنشى مارتە ۇيىمداستىرىلدى. ءبىر اي بۇرىن بوتانيكالىق ساياباقتا وتكەن جارىسقا 100-دەن استام ادام قاتىسسا, وسى جولعى جارىستا ولاردىڭ سانى 210 ادامدى قۇراعان.
ء«بىزدىڭ جۇگىرىسىمىزدىڭ باستى ەرەكشەلىگى – ەشقانداي جارنا تولەۋدىڭ قاجەتتىلىگى جوق. ءار قاتىسۋشى جۇگىرىپ قانا قويماي, ەستەلىك مەدالدارمەن ماراپاتتالىپ, لوتەرەيا ارقىلى سىيلىقتار ۇتىپ الدى. مەكتەپ وقۋشىسىنان باستاپ, زەينەتكەر اتا-اجەلەرىمىز دە قاتىستى. بۇنىمەن توقتامايمىز, ءار ايدا تۇراقتى تۇردە وتكىزىپ تۇرۋ جوسپارىمىزدا بار», دەيدى جوبانىڭ ۇيىمداستىرۋشىسى الىشەر كۇزەكباەۆ.
ءىس-شارانىڭ ماقساتى – قورشاعان اينالانى تازا ۇستاپ, سالاۋاتتى ءومىر سالتىن ناسيحاتتاۋ. ال اتالعان يدەيا كەزەكتى رەت دەمالىس كۇنى جۇزەگە اسىرىلدى.