شىمكەنت قالاسى اكىمدىگىنىڭ ءباسپاسوز قىزمەتىنشە قازىر قالا اكىمى عابيت سىزدىقبەكوۆ وقيعا ورنىندا ءجۇر. ءورتتى ءسوندىرۋ ءۇشىن توتەنشە جاعدايلار دەپارتامەنتىنىڭ 84 قىزمەتكەرى جانە 22 تەحنيكا جۇمىلدىرىلعان.
ورتكە ورانعان كۇكىرت شىمكەنت مۇناي وڭدەۋ زاۋىتىنان شىققان. تارازداعى «قازفوسفات» جشس-ءنىڭ مينەرالدى تىڭايتقىشتار زاۋىتىنا تاسىمالدانۋى ءتيىس بولعان. ءورتتى جويۋعا ورتالىق مەديتسينالىق كوميتەت, جەرگىلىكتى اتقارۋشى ورگاندار, سانيتارلىق-ەپيدەميولوگيالىق قىزمەت, سونداي-اق ونەركاسىپتىك قاۋىپسىزدىك قىزمەتكەرلەرى دە اتسالىسىپ جاتىر.
«جاقىن ماڭداعى اۋدانداردىڭ تۇرعىندارىنا تەرەزەلەر مەن ەسىكتەردى جاۋىپ, مۇمكىندىگىنشە سىرتقا شىقپاۋعا جانە تىنىس الۋ كەزىندە جەكە قورعاۋ قۇرالدارىن پايدالانۋعا كەڭەس بەرەمىز. شىمكەنت قالاسىنىڭ اكىمدىگى ازاماتتاردىڭ قاۋىپسىزدىگى ءۇشىن ءورتتى ءسوندىرۋ جانە ونىڭ سالدارىن جويۋ كەزىندە شاڭىراق شاعىناۋدانى تۇرعىندارىن ۋاقىتشا ەۆوكۋاتسيالاۋ تۋرالى شەشىم قابىلدادى. جاعداي شىمكەنت قالاسىنىڭ اكىمى ع.سىزدىقبەكوۆتىڭ باقىلاۋىندا. ءورتتى ءسوندىرۋ جۇمىستارى ءالى دە جالعاسادى», دەلىنگەن اكىمدىكتىڭ Facebook پاراقشاسىندا.