ياسسى قالاسىندا (رۋمىنيا) WTA-250 ساناتىنداعى تۋرنير ءوتىپ جاتىر. قازاقستان تەننيسشىسى اننا دانيلينا جۇپتىق سايىستا فينالدىق كەزدەسۋىن وتكىزدى, دەپ حابارلايدى Egemen.kz.
شەشۋشى ويىندا ەلىمىزدىڭ ەڭ مىقتى تەننيسشىسى رەسەيلىك سپورتشى يرينا حروماچەۆامەن بىرگە الەكساندرا پانوۆا – يانا سيزيكوۆا (رەسەي) دۋەتىن 6:4, 6:2 ەسەبىمەن ۇتتى.
كەزدەسۋ ءبىر ساعات 15 مينۋتقا سوزىلدى. رۋمىنيادا وتكەن تۋرنيردە اننا مەن يرينا ءبىرىنشى, ال سيزيكوۆا مەن پانوۆا ەكىنشى ورىننان كورىندى.
بۇل - اننانىڭ WTA تۋرنيرلەرىندەگى جۇپتىق سىنداعى سەگىزىنشى ولجاسى. بۇعان دەيىن ول سيدنەيدە (WTA500), وكلەندتە (WTA 250), گامبۋرگتە (WTA 250), ۆارشاۆادا (WTA 250), گدانسكىدە (WTA 250) جانە يتاليادا وتكەن 125 ساناتىنداعى ەكى تۋرنيردە جەڭىسكە جەتكەن.