بۇگىن جەتىسۋ وبلىسى سارقان قالاسىندا «تازا قازاقستان» اكتسياسى اياسىندا تازارتۋ جۇمىستارى جۇرگىزىلدى, دەپ حابارلايدى Egemen.kz.
اۋداننىڭ قوعامدىق كەڭەس مۇشەلەرى, قوعام بەلسەندىلەرى, اۋداندىق مەكەمە ۇجىمدارى, جاستار مەن قالا تۇرعىندارى قاتىسقان تازالىق شاراسىنا 200-گە جۋىق ادام قاتىسقان. اكتسيا قاتىسۋشىلارى اۋدان ورتالىعىنىڭ پاركتەرى, اللەيالارىن تازارتىپ, قوقىستاردى جيناعان. ودان وزگە دە مەكەمە قىزمەتكەرلەرى ءوز جۇمىس ورىندارىنىڭ اۋلالارىن تازارتىپ, ەكولوگيالىق اكتسياعا بەلسەنە اتسالىسقان.
اكتسيا بارىسىندا بارلىعى 1 تونناعا جۋىق قوقىس جينالعان. اكتسيا قاتىسۋشىلارى الداعى ۋاقىتتا دا اۋدان جۇرتشىلىعىن تازالىق شارالارىنا بەلسەنە قاتىسۋعا شاقىرىپ, تۋعان جەردىڭ تازالىعى اركىمنىڭ ءوز ۇيىنەن باستالاتىنىن ەسكە سالدى.
«جاڭا قازاقستان – تازا قازاقستاننان باستالادى. ءبىز قوعامدىق كەڭەس مۇشەلەرى «تازا قازاقستان» اكتسياسىنا اتسالىسۋدامىز. ەگەر قالامىز, اۋىلىمىز, تۇراتىن باسپانالارىمىز تازا بولاتىن بولسا دەنىمىز دە ساۋ بولادى», دەدى سارقان اۋداندىق انالار كەڭەسىنىڭ ءتورايىمى كۇلبارشان مىرزابايقىزى.