كليماتتىڭ وزگەرۋىنە قوسقان ۇلەسى ءۇشىن نوبەل سىيلىعىن العان رە كۆون چۋنگ «بەرەل» قورىق-مۇراجايىنا باردى. ساپار بارىسىندا وڭتۇستىك كورەيادان كەلگەن قوناق ۇلى دالانىڭ مىڭجىلدىق تاريحىنا, ساقتار مەن تۇركىلەردىڭ مادەنيەتىنە ءتانتى بولدى, دەپ حابارلايدى Egemen.kz.
«ەكسكۋرسيا بارىسىندا «بەرەل» قازاقستان اۋماعىندا ورگانيكالىق زاتتار تابىلعان جالعىز ەسكەرتكىش ەكەنى ايتىلدى. مۇراجايدان كوشپەندى اقسۇيەكتەردىڭ قابىرلەرى مەن ەرەكشە سكيف-سىبىرلەردىڭ اڭ ستيلىندە جاسالعان جوعارى كوركەم بۇيىمدارى تابىلىپ, كوپكە تانىمال بولدى», دەپ مالىمدەدى مادەنيەت جانە اقپارات مينيسترلىگىنىڭ ءباسپاسوز قىزمەتى.
سونداي-اق قوناقتارعا ەرتە تەمىر داۋىرىندە ءومىر سۇرگەن كوشپەلىلەردىڭ كيىمى, ات ابزەلدەرى, اعاشتان جاسالعان بۇيىمدار, ەر-توقىم, ماتا, اعاش ىدىس-اياق, بىلعارى جانە كيىزدەن جاسالعان بۇيىمدار سياقتى بىرەگەي ەكسپوناتتار تانىستىرىلعان.
ايتا كەتەرلىگى, جىل باسىنان بەرى «بەرەل» قورىق-مۇراجايىنا بەس مىڭعا جۋىق تۋريست كەلگەن.