وسىدان بەس جىل بۇرىن Maqsut Narikbayev University باستاماسىمەن جوعارى وقۋ ورىندارىنداعى اكادەميالىق ادالدىق پەن ەتيكا قاعيداسىن نىعايتۋ ماقساتىندا اكادەميالىق ادالدىق ليگاسى (ليگا) قۇرىلدى. سودان بەرى اتالعان ۇيىم ءوزىن ءادىل جانە ترانسپارەنتتى ءبىلىم بەرۋ ورتاسىن قالىپتاستىرىپ, ەتيكالىق ستاندارتتاردى ىلگەرىلەتكەن ينستيتۋت رەتىندە كورسەتتى. قازىر ونىڭ قىزمەتىنەن بارىنشا ادال جانە اشىق اكادەميالىق الاڭ قۇرۋعا دەگەن ۇمتىلىستى بايقايمىز.
بەس جىل ىشىندە ليگا 18 ۋنيۆەرسيتەتتىڭ باسىن قوسىپ, تاجىريبە الماسۋعا, نەتۆوركينگتى دامىتۋعا جانە بىرلەسكەن جوبالاردى ىسكە اسىراتىن ماڭىزدى الاڭعا اينالدى. ليگانىڭ نەگىزگى جەتىستىكتەرىنە ستاندارتتار مەن اكادەميالىق قىزمەتتىڭ ءارتۇرلى باعىتى بويىنشا نۇسقاۋلىق ازىرلەۋ, مونيتورينگتەر مەن اۋديت جۇرگىزۋ, وقىتۋ ماتەريالدارى (بەينەدارىستەر توپتامالارى) مەن تسيفرلىق پلاتفورمالاردى دايىنداۋ جانە ونىڭ حالىقارالىق اكادەميالىق ادالدىق ورتالىعى (ICAI) سياقتى بەدەلدى ۇيىمدارداعى بەلسەندىلىگى كىرەدى.
بۇگىندە اتالعان ۇيىم ق.جۇبانوۆ اتىنداعى اقتوبە وڭىرلىك ۋنيۆەرسيتەتىمەن بىرلەسىپ, كەلەسى جىلعا ارنالعان ستراتەگيالىق جوسپار ازىرلەۋ ۇستىندە. بۇعان اكادەميالىق ادالدىق بويىنشا حالىقارالىق كونفەرەنتسيا مەن سەمينار وتكىزۋ, AIRS 2.0 ستاندارتىن (ICAI) ەنگىزۋ, جاڭا تسيفرلىق پلاتفورمالار دايىنداۋ, اكادەميالىق ەتيكا بويىنشا دوڭگەلەك ۇستەل ۇيىمداستىرۋ, قولدانىستاعى تاجىريبەلەردىڭ مونيتورينگى سەكىلدى ءىس-شارالار وتكىزۋ قامتىلعان.
قازىردەن Maqsut Narikbayev University ۇلگىسىمەن استانا مەديتسينا ۋنيۆەرسيتەتى مەن قاراعاندى مەديتسينا ۋنيۆەرسيتەتى وزدەرىنىڭ «اكادەميالىق ادالدىق داشبوردى» جونىندەگى تاجىريبەسىمەن بولىسۋگە دايىن. «Power BI» نەگىزىندەگى بۇل قۇرال ءارتۇرلى ءونىم كورسەتكىشى مەن اكادەميالىق ادالدىق بويىنشا ەسەپتى ءتيىمدى باقىلاۋعا جانە تالداۋعا مۇمكىندىك بەرەدى. داشبورد كومەگىمەن اكادەميالىق ادالدىق دەڭگەيىن باقىلاۋعا جانە ونى ارتتىرۋ جولىن ويلاستىرۋعا كومەكتەسەتىن ۆيزۋالدى ەسەپتەردى (گرافيكتەر, دياگراممالار, باعالاردى ءبولۋ قيسىعى) دايىنداۋعا بولادى.
اكادەميالىق ادالدىق ليگاسىنىڭ جوبالىق كەڭسەسىنىڭ باسشىسى نۇرگۇل ماحانباەۆانىڭ ايتۋىنشا, مۇنداعى جەتىستىك – ليگانىڭ حالىقارالىق دەڭگەيدە مويىندالعان سەرىكتەس اتانۋى.
ء«بىزدىڭ باستى ناتيجەمىز ليگانىڭ شتاب-پاتەرى اقش-تا ورنالاسقان حالىقارالىق اكادەميالىق ادالدىق ورتالىعىنا قوسىلۋى دەر ەدىم. بۇل ورتالىققا الەمنىڭ ءار تۇكپىرىنەن 200-دەن استام ۋنيۆەرسيتەت مۇشە. ال ءبىزدىڭ ليگا – ەلىمىزدەگى بۇل ورتالىققا مۇشە جالعىز ۇيىم. سونداي-اق Maqsut Narikbayev University-ءنىڭ ءوزى دە – اتالعان ورتالىققا مۇشە جوعارى وقۋ ورنى», دەدى ول.
بۇگىنگى كۇنى اكادەميالىق ادالدىق ليگاسىنا قىزىعۋشىلىق جوعارى. 10-نان استام ۋنيۆەرسيتەت وعان قوسىلۋعا نيەت بىلدىرگەن. ليگاعا كىرگىسى كەلەتىن وقۋ ورىندارى بارلىق اقپاراتتى الۋ ءۇشىن قولداۋ كورسەتەتىن جوبالىق كەڭسەگە جۇگىنە الادى. قازىرگى تاڭدا ەلىمىزدەگى اكادەميالىق ادالدىقتى كۇشەيتۋمەن بەلسەندى اينالىساتىن نەگىزگى ەكى مەملەكەتتىك ۇيىم – عىلىم جانە جوعارى ءبىلىم مينيسترلىگى مەن سىبايلاس جەمقورلىققا قارسى ءىس-قيمىل اگەنتتىگى.
قىسقاسى, ءبىز ءسوز ەتكەن ۇيىم قازاقستاننىڭ جانە باسقا دا ەلدەردىڭ بارلىق جوعارى وقۋ ورىندارىنىڭ اكادەميالىق ادالدىق مادەنيەتىن دامىتۋعا, جوعارى ءبىلىم بەرۋ ستاندارتتارىنا ۇمتىلۋعا جانە ءبىلىم بەرۋ ساپاسىن ارتتىرۋعا شاقىرادى.