استانادا 55 جەر تەلىمى مەملەكەت مەنشىگىنە قايتارىلدى, دەپ حابارلايدى Egemen.kz استانا قالاسىنىڭ پروكۋراتۋراسىنا سىلتەمە جاساپ.
قاداعالاۋ ورگانى مەملەكەتتىڭ مۇقتاجدىعى ءۇشىن جەر تەلىمدەرىن الۋ تۋرالى سوت اكتىلەرىنىڭ ورىندالۋىنا تالداۋ جۇرگىزگەن.
«جاۋاپكەرشىلىگى شەكتەۋلى سەرىكتەستىكتەردىڭ ءبىرى اقشالاي وتەماقى الىپ, قالانى اباتتاندىرۋ ءۇشىن 50 جەر تەلىمدەرىن مەملەكەتكە بەرۋ تۋرالى سوت شەشىمىن 2 جىل بويى ورىنداماي كەلگەن. تاعى ءبىر جەكە تۇلعا وتەماقى الىپ, 4 مىڭ بالاعا ءبىلىم بەرۋگە ارنالعان مەكتەپ سالۋ ءۇشىن جەر تەلىمىن مەملەكەتكە بەرۋ تۋرالى سوت شەشىمىن ءبىر جىل بويى ورىنداماعان», دەلىنگەن حابارلامادا.
پروكۋرورلىق قاداعالاۋ اكتىسى نەگىزىندە جوعارىدا كورسەتىلگەن سوت اكتىلەرى جەر تەلىمدەرىن مەملەكەت مەنشىگىنە وتكىزۋ ارقىلى ورىندالادى.