ەرۇلان جاماۋباەۆ جاڭا قىزمەتكە سايلاندى

ەرۇلان جاماۋباەۆ وسى ايدان باستاپ «بايتەرەك» ۇلتتىق باسقارۋشى حولدينگى ديرەكتورلار كەڭەسىنىڭ مۇشەسى بولىپ سايلاندى.

دەسە دە ول حولدينگتىڭ اكتسيالارىن, ءونىم بەرۋشىلەرى مەن باسەكەلەستەرى سانالاتىن زاڭدى تۇلعالاردىڭ اكتسيالارى مەن قاتىسۋ ۇلەستەرىن يەلەنبەيدى.

ەرۇلان كەنجەبەك ۇلى 1974 جىلى 25 ناۋرىزدا تۋعان.

1995 جىلى قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا بىتىرگەن.

2009 جىلى تۇرار رىسقۇلوۆ اتىنداعى قازاق ەكونوميكالىق ۋنيۆەرسيتەتى جانىنداعى حالىقارالىق بيزنەس مەكتەبىن ءتامامدادى. ماماندىعى — ستراتەگيالىق مەنەدجمەنت. 

حالىقارالىق قارجى ۇيىمدارىندا جانە باتىس ەلدەرىنىڭ ورتالىق بانكتەرىندە «ماكروەكونوميكالىق جانە قارجى ساياساتى», «مونەتارلىق ساياسات ستراتەگياسى جانە ونى ەۋروپالىق ورتالىق بانكتە جۇرگىزۋ ەرەكشەلىكتەرى», «ماكروەكونوميكالىق باسقارۋ», «قارجى نارىعىنىڭ قۇرالدارى», «قارجىلىق تۇراقتىلىق» باعىتتارى بويىنشا بىلىكتىلىگىن ارتتىرعان. 

1996-1998 جىلدارى — قازاق مەملەكەتتىك اگرارلىق ۋنيۆەرسيتەتىندە وقىتۋشى-تاعىلىمداماشى, وقىتۋشى;

1998-2014 جىلدارى — قر ۇلتتىق بانكىنىڭ جەتەكشى مامانى, دەپارتامەنت ديرەكتورى;

2014-2015 جىلدارى — «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ باسقارۋشى ديرەكتورى;

2015-2018 جىلدارى — قر پرەزيدەنتى اكىمشىلىگى الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى, ءبولىم مەڭگەرۋشىسى;

2018-2019 جىلدارى — قر پرەزيدەنتىنىڭ كومەكشىسى;

2019-2020 جىلدارى — قر قارجى مينيسترلىگىنىڭ جاۋاپتى حاتشىسى;

2020-2022 جىلدارى — قر قارجى ءمينيسترى;

2022-2024 جىلدارى — قر پرەمەر-ءمينيسترىنىڭ ورىنباسارى — قارجى ءمينيسترى;

2024 جىلدىڭ 20 مامىرىنان بەرى مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىن اتقارىپ كەلگەن.