قىزىلوردا وبلىسىندا ەر ادام 21 جاستاعى ايەلىن قاتىگەزدىكپەن ءولتىرىپ, وقيعا ورىنان قاشىپ كەتپەك بولعان. ايەلدىڭ ءمايىتى كۇيەۋىمەن بىرگە تۇرعان ۇيدەن تابىلعان, دەپ حابارلايدى Egemen.kz CMN.KZ سايتىنا سىلتەمە جاساپ.
مارقۇمنىڭ اۋىلدا مالشى بولىپ ىستەيتىن 26 جاستاعى كۇيەۋى بىردەن كۇدىككە ءىلىندى.
«الدىن الا مالىمەت بويىنشا, قايعىلى وقيعاعا قىزعانىش سەبەپ بولعان. جاس كۇيەۋ ايەلىنەن كۇدىكتەنىپ, جانجال شىعاردى, كەيىن كىسى ولتىرۋگە دەيىن بارعان. ەر ادام وقيعا ورنىنان قاشىپ كەتكەن», دەپ جازادى دەرەككوز.
قىزىلوردا وبلىسىنىڭ پوليتسيا دەپارتامەنتى كۇدىكتىنىڭ ۇستالعانىن حابارلادى.
«قازىرگى ۋاقىتتا بۇل ءىس بويىنشا ءتيىستى ساراپتامالار تاعايىندالىپ, تەرگەۋ ءجۇرىپ جاتىر. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. تەرگەۋ امالدارى جالعاسىپ جاتىر», دەپ حابارلادى قىزىلوردا وبلىسىنىڭ پوليتسيا دەپارتامەنتىنەن.