ماڭعىستاۋ وبلىسىندا مۇعالىمدەردەن اقشا جيناعان مەكتەپ باسشىلىعىنا قاتىستى تەرگەۋ باستالدى, دەپ حابارلايدى Egemen.kz.
«مۇنايلى اۋدانىنىڭ پروكۋراتۋراسى «№3 ارنايى مەكتەپ» كمم تەكسەرۋ ناتيجەلەرى بويىنشا مەكەمە باسشىلىعى تاراپىنان بىرقاتار زاڭ بۇزۋشىلىقتى انىقتادى. ماسەلەن, مەكتەپ باسشىلىعى اي سايىن قىزمەتكەرلەردەن ءموبيلدى قوسىمشالار ارقىلى اقشا قاراجاتىن زاڭسىز جيناۋدى جۇزەگە اسىرعان», دەپ حابارلادى ماڭعىستاۋ وبلىسىنىڭ پروكۋراتۋراسى.
سونىمەن قاتار رەسمي وكىمدەر شىعارۋ جانە جەكە تۇلعالارعا ارتىق سىيلىقاقىلار ەسەپتەۋ نەگىزىندە اقشا قاراجاتىن زاڭسىز اۋدارۋ فاكتىلەرى انىقتالعان. سونداي-اق مەكتەپ ديرەكتورى دا قاراماعىنداعىلاردى وزىنە سالىنعان اكىمشىلىك ايىپپۇلدى تولەۋگە ماجبۇرلەگەن.
اتالعان ارنايى مەكتەپتىڭ لاۋازىمدى تۇلعالارىنا قاتىستى قىزمەتتىك وكىلەتتىكتەرىن اسىرا پايدالانۋ فاكتىسى بويىنشا قىلمىستىق كودەكستىڭ 361-بابى «قىزمەتتىك وكىلەتتىكتەردى تەرىس پايدالانۋ» بويىنشا سوتقا دەيىنگى تەرگەۋ امالدارى باستالعان.