ول جىنىستىق قاتىناس ءوزارا كەلىسىم بويىنشا بولعانىن العا تارتتى. بۇل تۋرالى Egemen.kz وبلىستىق قىلمىستىق ىستەر جونىندەگى مامانداندىرىلعان اۋدانارالىق سوت ءباسپاسوز قىزمەتىنە سىلتەمە جاساپ حابارلايدى.
مالىمەت بويىنشا, بۇگىن جابىق سوت وتىرىسىندا كامەلەتكە تولماعان جابىرلەنۋشىگە زورلاۋ جانە سەكسۋالدىق سيپاتتاعى زورلىق-زومبىلىق ارەكەتتەرىن جاساۋ فاكتىسى بويىنشا قىلمىستىق ءىس قارالدى.
«ايىپتالۋشى كىناسىن مويىنداعان جوق, جابىرلەنۋشىمەن جىنىستىق قاتىناس ءوزارا كەلىسىم بويىنشا بولعانىن العا تارتتى. سوندىقتان ونىڭ ارەكەتىن ونشا اۋىر ەمەس باپقا – قىلمىستىق كودەكستىڭ 122-بابى 1-ءبولىمى, اتاپ ايتقاندا 16 جاسقا تولماعان اداممەن جىنىستىق قاتىناس رەتىندە قايتا سارالاۋدى سۇرادى», – دەلىنگەن حابارلامادا.
جاۋاپكەردىڭ كىناسى جابىرلەنۋشىنىڭ, كۋالاردىڭ ايعاقتارىمەن, ساراپتامالاردىڭ قورىتىندىلارىمەن جانە سوتتا زەرتتەلگەن باسقا دا دالەلدەمەلەرمەن دالەلدەندى.
«ەكى اسا اۋىر قىلمىستىڭ جاسالعانىن ەسكەرە وتىرىپ, سوت تۇپكىلىكتى 17 جىل مەرزىمگە باس بوستاندىعىنان ايىرۋ جازاسىن تاعايىندادى. سونداي-اق قىلمىسكەر ءومىر بويىنا پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋ قۇقىعىنان ايىرىلدى», – دەيدى ءباسپاسوز ورتالىعىندا.
ۇكىم زاڭدى كۇشىنە ەنگەن جوق.