20 شىلدەدە تامىز ايىندا وتەتىن ۇبت-عا قاتىسۋ ءۇشىن ءوتىنىش قابىلداۋ باستالادى. وتىنىمدەردى قابىلداۋ 30 شىلدەگە دەيىن جالعاسادى, دەپ حابارلايدى Egemen.kz.
ۇبت-عا تىركەلۋ ۇلتتىق تەستىلەۋ ورتالىعىنىڭ سايتىندا app.testcenter.kz جۇرگىزىلەدى. تەستىلەۋدىڭ ءوزى 10-15 تامىز ارالىعىندا وتەدى.
تامىزداعى ۇبت شەكتى بالل جيناي الماعان تالاپكەرلەردىڭ تەستىلەۋدەن قايتا ءوتىپ, جوو-عا اقىلى نەگىزدە ءتۇسۋ مۇمكىندىگى بولۋى ءۇشىن وتكىزىلەدى. تىركەلۋ كەزىندە تەستىلەنۋشىلەر ەمتيحان وتەتىن ورىندى, كۇندى, ۋاقىتتى وزدەرى تاڭدايدى.
تامىز ايىنداعى ۇبت-عا بيىلعى جانە وتكەن جىلعى مەكتەپ جانە كوللەدج تۇلەكتەرى, قانداستار, شىعارماشىلىق ماماندىقتاردان باسقا ماماندىقتارعا, باسقا ماماندىقتاردان پەداگوگيكالىق باعىتتارعا اۋىسقىسى كەلەتىن ستۋدەنتتەر جانە جوعارى وقۋ ورىندارىنا شارتتى تۇردە قابىلدانعان ستۋدەنتتەر قاتىسا الادى.