جەراستى سۋىن وڭدەپ, ىدىستارعا قۇيىپ ساتىلىمعا شىعارۋ قوس تاراپقا دا پايدالى: كاسىپكەر ءۇشىن – تابىس كوزى, تۇتىنۋشى ءۇشىن –قۇنارلى, تازا اۋىزسۋ. ماڭعىستاۋ اۋدانىنىڭ تۇششىبەك اۋلىندا ىسكە قوسىلعان سۋ قۇتىلاۋ تسەحى اتالعان ايماقتاعى جەراستى سۋىن حالىق يگىلىگىنە ۇسىنباق.
كاسىپكەر ەرلان ءابدىراحمانوۆتىڭ «قاينار سۋ» بەلگىسىمەن شىعارعان ءونىمى كوپشىلىك سۇرانىسىن وتەيدى. كاسىپورىندا پلاستيك قۇتىنى قىزدىراتىن, ۇرەتىن, تازالايتىن, ىدىستارعا سۋ قۇياتىن, قاقپاقپەن اۋزىن بەكىتەتىن, سىرتىنا تاۋار بەلگىسىن جاپسىراتىن اپپاراتتار قويىلعان. «كۇنىنە 1 500 ليتر شاماسىندا سۋدى ارنايى ىدىستارعا قۇيىپ دايىندايمىز. سۇرانىسقا قاراي ودان دا كوپ مولشەردە ءونىم وندىرۋگە سۋ قورى جەتكىلىكتى», دەيدى سۋ شىعارۋ شەبەرى مارعۇلان سۇگىروۆ.
«كاسىپكەرلىكتى قولداۋ ارقىلى جاڭا جۇمىس ورىندارىن اشۋ – بۇگىنگى كۇننىڭ تالابى. ءناسىبىن كاسىپتەن تاپقان كاسىپكەرلەر باستاماسىنا بارىنشا قولداۋ كورسەتۋ كەرەك», دەيدى ماڭعىستاۋ اۋدانىنىڭ اكىمى عالىمجان نيازوۆ.
ماڭعىستاۋ وبلىسى