قىزىلوردا وبلىسى ارال اۋدانىنداعى اقشاتاۋ جانە قامىستىباس كولدەرىنە سۋ جيناۋ ءۇشىن سۋ رەسۋرستارى جانە يرريگاتسيا مينيسترلىگى امانوتكەل اۋىلىنىڭ جانىندا سۋ تورابىن سالۋدى جوسپارلاپ وتىر. سونداي-اق قاراوزەك كانالىندا جاڭا سۋ قويماسىن سالۋعا نيەتتى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
مۇنداي جوسپاردى قىزىلوردا وبلىسىنىڭ تۇرعىندارىمەن كەزدەسۋ بارىسىندا سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ءمالىم ەتتى.
بۇدان بولەك, مينيسترلىك جيدەلى سۋ قويماسى مەن قىزىلوردا سۋ تورابىن كەشەندى رەكونسترۋكتسيالاۋدى جوسپارلاپ وتىر.
ال 2025-2026 جىلدارى جاڭاقورعان اۋدانىنداعى «كەلىنتوبە» ماگيسترالدىق كانالى مەن شيەلى اۋدانىنداعى سۇلۋتوبە اۋىلدىق وكرۋگىنە سىرداريا وزەنىنەن سۋ جىبەرۋ ءۇشىن قوسىمشا كانالدار سالۋ كوزدەلگەن.
«بۇل ءىس-شارالار وبلىستىڭ اۋىل شارۋاشىلىعىن سۋارمالى سۋمەن نەعۇرلىم ءتيىمدى قامتاماسىز ەتۋ ءۇشىن جانە ءوڭىردىڭ سۋ نىساندارىن ساقتاۋعا قاجەت», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.