پوليتسيا قىزمەتكەرلەرى وسىدان 12 جىل بۇرىن اقتوبە وبلىسىندا قىلمىس جاساپ, قاشىپ كەتكەن كۇدىكتىنى قولعا ءتۇسىردى, دەپ جازادى Egemen.kz.
Polisia.kz حابارلاعانداي, كۇدىكتى الماتى وبلىسىندا ۇستالدى.
«ىزدەۋدە جۇرگەن ادام جشس ديرەكتورى بولا وتىرىپ, 2012 جىلى اقتوبە وبلىسىنىڭ ەكى اۋدانىندا مال قورىمىن سالۋعا كەلىسىپ, بانك ارقىلى بىرنەشە ترانشپەن 17 ميلليون تەڭگە سوماسىندا اقشا يەلەنگەن. الايدا مال قورىمىن سالۋ بويىنشا جۇمىس ورىندالماعان. بارلىق اقشانى العاننان كەيىن ول قاشىپ كەتكەن», دەلىنگەن رەسمي حابارلامادا.
قىلمىستىق ءىس قوزعالىپ, وعان مەملەكەتارالىق ىزدەۋ جاريالانعان ەدى.