بۇل تۋرالى اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى وكق الاڭىندا وتكەن ءباسپاسوز كونفەرەنتسياسىندا ايتتى, دەپ حابارلايدى Egemen.kz.
ءۇيىرلى شەگىرتكەگە قارسى كۇرەس بويىنشا شىعىس قازاقستان, قىزىلوردا, پاۆلودار, ۇلىتاۋ, سولتۇستىك قازاقستان, جەتىسۋ, تۇركىستان وبلىستارىندا جۇمىستار تولىق اياقتالعان.
جامبىل وبلىسىندا ماروككولىق شەگىرتكەگە, ال الماتى وبلىسىندا ازيالىق شەگىرتكەگە قارسى وڭدەۋ جۇمىستارى جۇرگىزىلىپ, يتالياندىق پرۋسقا قارسى وڭدەۋلەر اباي, اتىراۋ, جامبىل, باتىس قازاقستان وبلىستارىندا اياقتالدى. «قازىرگى ۋاقىتتا اقمولا, اقتوبە, الماتى, قاراعاندى, قوستاناي وبلىستارىندا يتالياندىق پرۋسقا قارسى, اباي, جامبىل وبلىستارىندا ازيالىق شەگىرتكەگە قارسى حيميالىق وڭدەۋلەر جالعاسىپ جاتىر», دەدى سپيكەر.
شەگىرتكەلەرگە قارسى كۇرەس شارالارىنا جالپى 2500-دەن استام ادام جۇمىلدىرىلعان ەكەن.