مەملەكەت باسشىسى ۇلتتىق بانك توراعاسى تيمۋر سۇلەيمەنوۆتى قابىلدادى. قاسىم-جومارت توقاەۆقا ۇلتتىق بانكتىڭ بيىلعى جارتىجىلدىقتا جۇزەگە اسىرعان اقشا-كرەديت ساياساتىنىڭ قورىتىندىسى تۋرالى ەسەپ بەرىلدى, دەپ جازادى Egemen.kz.
تيمۋر سۇلەيمەنوۆ پرەزيدەنتكە قازاقستانداعى جانە الەمدەگى ەكونوميكالىق جاعدايدىڭ دامۋ بارىسى جانە ينفلياتسيانىڭ قارقىنى مەن ونى تۇراقتاندىرۋ شارالارى جونىندە باياندادى.
ۇلتتىق بانك توراعاسى جىلدىق ينفلياتسيانىڭ باسەڭدەگەنىن جانە ىشكى ەكونوميكادا پروينفلياتسيالىق فاكتورلاردىڭ ساقتالىپ وتىرعانىن ايتتى. سونىمەن قاتار بىرىڭعاي جيناقتاۋشى زەينەتاقى قورىنىڭ اكتيۆتەرى مەن التىن-ۆاليۋتا رەزەرۆتەرىنىڭ جاي-كۇيىنە توقتالدى.
بۇدان بولەك, ۇلتتىق تولەم جۇيەسى مەن اشىق بانكينگ پرينتسيپتەرىن دامىتۋ جانە ەل ازاماتتارىنىڭ قارجىسىن الاياقتاردان قورعاۋ ءۇشىن انتيفرود-ورتالىق قۇرۋ جوبالارىن جۇزەگە اسىرۋعا قاتىستى مەملەكەت باسشىسى بەرگەن تاپسىرمالاردىڭ ورىندالۋ بارىسى تۋرالى ايتىلدى.
كەزدەسۋ سوڭىندا قاسىم-جومارت توقاەۆ ۇلتتىق بانكتىڭ قىزمەتىنە, سونىڭ ىشىندە ينفلياتسيانى ودان ءارى تۇراقتاندىرۋ جانە تسيفرلىق قارجىلىق ينفراقۇرىلىم جاساۋ جونىندە بىرقاتار تاپسىرما بەردى.