الماتىداعى قوقىس سۇرىپتايتىن زاۋىتتا پاكەتكە ورالعان ءسابيدىڭ دەنەسى تابىلدى, دەپ حابارلايدى Egemen.kz.
جەلىدە 14 شىلدە كۇنى قوقىس سۇرىپتايتىن زاۋىتتاردىڭ بىرىندەگى كونۆەيەر جەلىسىندە پاكەتكە ورالعان بالانىڭ دەنەسى تابىلعانى تۋرالى اقپارات تاراپ ءجۇر.
قالالىق پوليتسيا دەپارتامەنتى بۇل اقپاراتتى راستادى.
«اتالعان فاكتىگە قاتىستى قىلمىستىق ءىس قوزعالدى. بالانىڭ اناسى ىزدەستىرىلىپ جاتىر, ونىڭ جەكە باسى مەن باسقا دا ءمان-جايلار مىندەتتى تۇردە انىقتالادى», دەلىنگەن حابارلامادا.