سينوپتيكتەر 15 ماۋسىمعا ارنالعان اۋا رايى بولجامىن جاريالادى. وڭتۇستىك تسيكلون جانە ونىمەن بىرگە كەلەتىن اتموسفەرالىق فرونتتاردىڭ اسەرىنەن ەلىمىزدە تۇراقسىز اۋا رايى ساقتالادى, دەپ حابارلايدى Egemen.kz.
مامانداردىڭ مالىمەتىنشە, سولتۇستىك-باتىستا, سولتۇستىكتە, وڭتۇستىك-شىعىستا, وڭتۇستىكتە, ورتالىقتا كۇن كۇركىرەپ, بۇرشاق جاۋادى. قاتتى جەلمەن بىرگە نوسەر جاۋىن دا جاۋى مۇمكىن.
رەسپۋبليكا بويىنشا جەل كۇشەيەدى, وڭتۇستىك-باتىستا, سولتۇستىكتە تۇنگى جانە تاڭەرتەڭگى ۋاقىتتا تۇمان تۇسەدى.
كۇندىز الماتى, اتىراۋ وبلىستارىندا, اباي وبلىسىنىڭ وڭتۇستىگىندە اپتاپ ىستىق بولادى. اتىراۋدا, ماڭعىستاۋ, باتىس قازاقستان, جامبىل, اباي, اقتوبە, شىعىس قازاقستان وبلىسىنىڭ وڭتۇستىك-شىعىسىندا جوعارى ءورت قاۋپى ساقتالادى.
ماڭعىستاۋدا, تۇركىستان وبلىسىنىڭ ءشولدى اۋداندارىندا, جامبىل وبلىسىنىڭ باتىسىندا جانە ۇلىتاۋ وبلىسىندا, قوستاناي وبلىسىنىڭ وڭتۇستىگىندە, ورتالىعىندا, شىعىسىندا, قىزىلوردا وبلىسىنىڭ وڭتۇستىگىندە, اتىراۋ وبلىسىنىڭ وڭتۇستىك-شىعىسىندا توتەنشە ءورت قاۋپى بار.