ۇلتتىق ۇلان جارتىجىلدىق جۇمىسىن قورىتىندىلادى

اسكەري كەڭەس وتىرىسىنىڭ كۇن تارتىبىندە ۇلتتىق ۇلاننىڭ 2024 جىلدىڭ ءبىرىنشى جارتىجىلدىعىنداعى قىزمەتتىك-جاۋىنگەرلىك قىزمەتىنىڭ جاي-كۇيى جانە جاڭادان قۇرىلعان بولىمشەلەردى جاساقتاۋ جونىندەگى جۇمىستىڭ ناتيجەلەرى تۋرالى ماسەلەلەر قارالدى.

وتىرىستى اشقان قۇقىق قورعاۋ ۆەدومستۆوسىنىڭ باسشىسى قازاقستان رەسپۋبليكاسىنىڭ ۇلتتىق ۇلانى ەلىمىزدەگى قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋدە شەشۋشى ءرول اتقاراتىنىن اتاپ ءوتتى.

سونىمەن قاتار مينيستر قۇقىقتىق ءتارتىپ اسكەرلەرىمەن بايلانىستى وزەكتى ماسەلەلەردى اتاپ ءوتتى. اتاپ ايتقاندا, وفيتسەرلەر مەن سەرجانتتار قۇرامىنىڭ جەكە قۇرامىمەن جاساقتالماۋ ماسەلەسى قوزعالدى.

ء«اربىر كوماندير بولىمشەلەردىڭ قىزمەتتىك-جاۋىنگەرلىك قىزمەتىن قامتاماسىز ەتۋ ءۇشىن بىلىكتى كادرلاردى ىرىكتەۋمەن اينالىسۋعا ءتيىس. باس شتابقا, اسكەري بولىمدەردىڭ كومانديرلەرى مەن ورىنباسارلارىنا بوس لاۋازىمداردى شۇعىل تۇردە جاساقتاۋدى تاپسىرامىن. جەكە قۇرامعا قىزمەت ءۇشىن بارلىق قاجەتتى جاعدايلاردى جاساۋ قاجەت. جەرگىلىكتى اتقارۋشى ورگاندارمەن, قورعانىس مينيسترلىگىنىڭ قورعانىس ىستەرى جونىندەگى دەپارتامەنتتەرىمەن جانە بولىمدەرىمەن بىرلەسىپ وسى باعىتتاعى جۇمىستى جانداندىرۋ قاجەت», دەدى ءىىم باسشىسى.

ءوز كەزەگىندە ىشكى ىستەر ءمينيسترىنىڭ ورىنباسارى - ۇلتتىق ۇلاننىڭ باس قولباسشىسى گەنەرال-لەيتەنانت ەركىن بوتاقانوۆ ءبىرىنشى جارتىجىلدىقتا ۇلتتىق ۇلانعا جۇكتەلگەن بارلىق مىندەتتەر تولىق كولەمدە ورىندالعانىن اتاپ ءوتتى. قۇقىقتىق ءتارتىپ اسكەرلەرىنىڭ شتاتتارىنا اقتاۋ, اتىراۋ, قىزىلوردا, ورال جانە قوستاناي قالالارىندا جەدەل ماقساتتاعى بەس باتالون ەنگىزىلدى. مامىر ايىندا ەل پرەزيدەنتى - قارۋلى كۇشتەردىڭ جوعارعى باس قولباسشىسى قاسىم-جومارت توقاەۆتىڭ قاتىسۋىمەن اۆياتسيالىق بازانىڭ سالتاناتتى اشىلۋى ءوتتى. 3 مىڭنان استام اسكەري قىزمەتشى, 160-تان استام اۆتوموبيل جانە ارنايى تەحنيكا, سونداي-اق 7 اۆياتسيا بىرلىگى تابيعي سيپاتتاعى تج رەجيمى جاعدايىندا سۋ تاسقىنىن جويۋعا تارتىلدى. جەكە قۇرامنىڭ جالپى كۇشىمەن 4 مىڭنان استام ادام, 600 توننا جۇك جانە 130 توننا گۋمانيتارلىق كومەك تاسىمالداندى, 5 مىڭنان استام ازامات ەۆاكۋاتسيالاندى.

وتىرىس بارىسىندا قۇقىقتىق ءتارتىپ اسكەرلەرىنىڭ قىزمەتتىك-جاۋىنگەرلىك قىزمەتىنىڭ قورىتىندىلارى تۋرالى 2024 جىلدىڭ ءبىرىنشى جارتىجىلدىعىندا ۇلتتىق ۇلان باس قولباسشىسىنىڭ ءبىرىنشى ورىنباسارى – باس شتاب باستىعى گەنەرال-مايور قايرات اقتانوۆ بايانداما جاسادى.

اسكەرلەردىڭ جەدەل قولدانۋعا دايىندىعىن ارتتىرۋ ماقساتىندا اسكەري قىزمەتشىلەر سەكسەننەن استام بىرلەسكەن وقۋ-جاتتىعۋلارعا, ونىڭ ىشىندە ۆەدومستۆوارالىق توپتار قۇرامىنداعى داعدارىستىق جاعدايلارعا دەن قويۋ جونىندەگى كەشەندى وقۋ-جاتتىعۋلارعا قاتىسقانى اتاپ ءوتىلدى.

قۇقىقتىق ءتارتىپ اسكەرلەرىنىڭ بولىمشەلەرى ءوزارا ءىس-قيمىل جاسايتىن ورگاندارمەن بىرلەسىپ جىل باسىندا قوعامدىق ءتارتىپتى قورعاۋدى كۇشەيتۋگە, تابيعي سيپاتتاعى توتەنشە جاعدايلاردىڭ سالدارىن جويۋعا قاتىستى.

مىندەتتەردىڭ ۇلكەن كولەمىن اسكەرلەر بولىمشەلەرى قوعامدىق ءتارتىپتى قورعاۋدى قامتاماسىز ەتۋ جانە ەلدەگى جەدەل جاعدايدىڭ وزگەرۋىنە, ونىڭ ىشىندە ماڭىزدى قوعامدىق-ساياسي ءىس-شارالاردى وتكىزۋ كەزەڭىندە ۋاقتىلى دەن قويۋ بويىنشا ورىندادى. اتاپ ايتقاندا, شانحاي ىنتىماقتاستىق ۇيىمىنىڭ (شىۇ) حالىقارالىق ءسامميتىن وتكىزۋ كەزىندە قازاقستان رەسپۋبليكاسى ۇلتتىق ۇلانىنىڭ جەكە قۇرامى ىشكى ىستەر ورگاندارىنىڭ قىزمەتكەرلەرىمەن بىرلەسىپ قالا كوشەلەرىندە تاۋلىك بويى كەزەكشىلىك اتقاردى.

پاترۋلدىك-بەكەتتىك قىزمەتتىڭ 2 مىڭنان استام مىندەتى ورىندالدى, 7,5 مىڭنان استام قۇقىق بۇزۋشى ۇستالدى جانە ىشكى ىستەر ورگاندارىنا جەتكىزىلدى.

ەلدىڭ قوعامدىق قاۋىپسىزدىگىن قامتاماسىز ەتۋگە «بۇركىت» ارنايى ماقساتتاعى بولىمشەلەرى ەلەۋلى ۇلەس قوسادى. ولاردى دامىتۋ جانە جاۋىنگەرلىك مۇمكىندىكتەردى ارتتىرۋ بويىنشا جۇمىستار جۇرگىزىلىپ جاتىر.

وتىرىستا وڭىرلىك قولباسشىلىقتار قولباسشىلارىنىڭ «باعىنىستى اسكەري بولىمدەر مەن بولىمشەلەردەگى قىزمەتتىك-جاۋىنگەرلىك قىزمەتتى ۇيىمداستىرۋ جونىندەگى ىستەردىڭ جاعدايى تۋرالى» تاقىرىبىنداعى ەسەپتەرى, سونداي-اق ۇلتتىق ۇلان باس قولباسشىسىنىڭ تجاقج جونىندەگى ورىنباسارى گەنەرال-مايور قايرات ۇمبەتوۆتىڭ «1 جارتىجىلدىقتاعى اسكەرلەردەگى اسكەري ءتارتىپتىڭ, زاڭدىلىق پەن قۇقىقتىق ءتارتىپتىڭ جاي-كۇيى تۋرالى» تاقىرىبىنداعى بايانداماسى تىڭدالدى. بۇدان بولەك كادرلار جانە اسكەري ءبىلىم باسقارماسىنىڭ باستىعى گەنەرال-مايور نۇربول مىرتاەۆتىڭ  «جاڭادان ەنگىزىلگەن بولىمشەلەردى جيناقتاۋ جونىندەگى جۇمىستىڭ ناتيجەلەرى تۋرالى» بايانداما جاسادى.

ايتا كەتەيىك, اسكەري كەڭەس وتىرىسىن قورىتىندىلاي كەلە, ىشكى ىستەر ءمينيسترى اسكەردىڭ جاۋىنگەرلىك دايىندىعى مەن جاۋىنگەرلىك قابىلەتىنە ەرەكشە نازار اۋداردى.

«اسكەرلەردى دايارلاۋ - بۇل جەكە قۇرام اراسىنداعى اسكەري تارتىپكە نەگىزدەلگەن جاۋىنگەرلىك ازىرلىكتىڭ نەگىزى. سوندىقتان بولىمشە كومانديرىنەن باستاپ اسكەر قولباسشىسىنا دەيىن بارلىعى اسكەري قىزمەتشىلەردى تاربيەلەۋمەن, مورالدىق-پسيحولوگيالىق جاي – كۇيىمەن اينالىسىپ, اسكەري قىزمەتتىڭ تارتىمدىلىعى مەن بەدەلىن ارتتىرۋى ءتيىس», دەپ تۇيىندەدى پوليتسيا گەنەرال-لەيتەنانتى ەرجان سادەنوۆ.

اسكەري كەڭەس وتىرىسىنىڭ قورىتىندىسى بويىنشا باسشىلىق ەتۋ جانە ورىنداۋ ءۇشىن وڭىرلىك قولباسشىلىقتار مەن اسكەري بولىمدەرگە جىبەرىلەتىن قاۋلى قابىلداندى.

ءسوز سوڭىندا مينيستر وفيتسەرلەر مەن كومانديرلەرگە جاۋىنگەرلىك قىزمەتتى جوعارى رۋحتا جالعاستىرۋ كەرەگىن ايتتى. سونداي-اق ولارعا مىقتى دەنساۋلىق, وتباسىلارىنا اماندىق پەن جاۋىنگەرلىك قىزمەتتە تابىس تىلەدى.