شىلدەنىڭ ەكىنشى جەكسەنبىسى - بالىق شارۋاشىلىعى قىزمەتكەرلەرى كۇنى

مەملەكەت باسشىسىنىڭ تاپسىرماسى بويىنشا بالىق سالاسىن دامىتۋعا ەرەكشە كوڭىل بولىنەدى. بالىق ءوسىرۋ پەرسپەكتيۆالى باعىت بولىپ تابىلادى, ويتكەنى سالانى دامىتۋ ءۇشىن كاسپي جانە ارال تەڭىزدەرىنىڭ, بالقاش جانە زايسان كولدەرىنىڭ, الاكول كولدەر جۇيەسىنىڭ, بۇقتىرما, قاپشاعاي, شاردارا سۋ قويمالارىنىڭ, سونداي-اق باسقا دا سۋ ايدىندارىنىڭ ايتارلىقتاي سۋ رەسۋرستارى بار.

بۇگىنگى تاڭدا بالىق ءوسىرۋ سالاسىندا بيزنەستىڭ ىسكەرلىك بەلسەندىلىگىنىڭ ءوسۋى بايقالادى.

ماسەلەن, 2021 جىلمەن سالىستىرعاندا بالىق ءوسىرۋ شارۋاشىلىقتارىنىڭ سانى 2023 جىلى 2,5 ەسەدەن ارتىپ, 502-گە جەتتى. بۇل رەتتە بالىق ءوسىرۋ كولەمى 7-دەن 17 مىڭ تونناعا دەيىن ۇلعايدى.

كاسىپتىك بالىق اۋلاۋ نەگىزىنەن اتىراۋ, الماتى, شىعىس قازاقستان, قىزىلوردا جانە تۇركىستان وبلىستارىندا جۇرگىزىلەدى.

ەلدىڭ تابيعي سۋ ايدىندارىندا جىل سايىن شامامەن 45-50 مىڭ توننا بالىق اۋلانادى جانە بۇل كورسەتكىش تۇراقتى دەڭگەيدە. ويتكەنى جۇيەلى نەگىزدە بالىق رەسۋرستارى مەن باسقا دا سۋ جانۋارلارىن ساقتاۋ بويىنشا شارالار قابىلدانۋدا. ەڭ الدىمەن, بۇل براكونەرلىكپەن كۇرەستىڭ كۇشەيۋى.

قورعاۋ ءىس-شارالارىمەن قاتار جىل سايىن تابيعي سۋ ايدىندارىنىڭ كوكتەمگى جانە كۇزگى كەزەڭدەردە بالىقتار مەن ولاردىڭ شاباقتارىن قۇتقارۋ ارقىلى بالىق رەسۋرستارىن مولايتۋ, قىس مەزگىلىندە جاپپاي قىرىلۋعا قارسى ءىس-شارالار جۇرگىزۋ, سونداي-اق مەملەكەتتىك تاپسىرىس جانە بالىق شارۋاشىلىعى سۋبەكتىلەرىن دامىتۋ جوسپارلارى شەڭبەرىندە باعالى بالىق تۇرلەرىمەن قامتاماسىز ەتۋ شارالارى قابىلدانادى.

ماسەلەن, 2023 جىلى مەملەكەتتىك بالىق ءوسىرۋ كاسىپورىندارى مەن جەكە بالىق ءوسىرۋ شارۋاشىلىقتارى مەملەكەتتىك تاپسىرىس شەڭبەرىندە باعالى بالىق تۇرلەرىنىڭ 100 ملن.دانا شاباقتارىن ءوسىردى, بۇل 2021 جىلمەن سالىستىرعاندا 25% - عا ارتىق.

بۇل رەتتە, بالىق شارۋاشىلىعى سۋبەكتىلەرى 2023 جىلى بەكىتىلگەن سۋ قويمالارىنا باعالى بالىق تۇرلەرى شاباقتارىنىڭ 162,3 ملن.داناسىن شىعاردى, بۇل 2021 جىلمەن سالىستىرعاندا 29% - عا ارتىق.

سونىمەن قاتار, 2023 جىلى الەمنىڭ 21 ەلىنە 25 مىڭ تونناعا جۋىق بالىق ونىمدەرىنىڭ 50-دەن استام ءتۇرى ەكسپورتتالدى. ەڭ ءىرى تۇتىنۋشىلار — رەسەي, گەرمانيا, نيدەرلاندى, ليتۆا جانە قىتاي.

ارينە, سالا قىزمەتكەرلەرى ۇلكەن ۇلەس قوسۋدا.

قازاقستاندا بالىق شارۋاشىلىعى قىزمەتكەرلەرىنىڭ كۇنى رەسمي تۇردە 2017 جىلدان بەرى شىلدەنىڭ ەكىنشى جەكسەنبىسىندە اتاپ وتىلەدى.

كاسىبي مەرەكە سالا قىزمەتكەرلەرىنىڭ قاجىرلى ەڭبەگىنىڭ ماڭىزدىلىعىن اتاپ وتۋگە ارنالعان.

ەكونوميكانىڭ وسى سەكتورىنداعى مەملەكەتتىك ساياساتتى ەكولوگيا جانە تابيعي رەسۋرستار مينيسترلىگىنىڭ جۇيەسىندە 2021 جىلى قايتا قۇرىلعان. 2024 جىلعى قاڭتاردا قر اۋىل شارۋاشىلىعى مينيسترلىگىنىڭ قاراماعىنا بەرىلدى جانە وسى سالاداعى قىزمەتتى رەتتەيتىن جانە باقىلايتىن نەگىزگى ورگان بولىپ بالىق شارۋاشىلىعى كوميتەتى قالا بەرەدى.

بالىق شارۋاشىلىعى كوميتەتىندە 8 وبلىسارالىق باسسەيندىك بالىق شارۋاشىلىعى ينسپەكتسياسى, بالىقتاردىڭ باعالى تۇرلەرىنىڭ شاباقتارىن جاساندى ءوسىرۋ بويىنشا 3 مەملەكەتتىك بالىق ءوسىرۋ كاسىپورنى جانە مامانداندىرىلعان عىلىمي ۇيىم بار.

مەرەكە قارساڭىندا بالىق شارۋاشىلىعى كوميتەتى جانە ونىڭ ۆەدومستۆولىق باعىنىستى بولىمشەلەرى وڭىرلەردە ارداگەرلەرگە قۇرمەت كورسەتۋ جانە سالانىڭ ەرەكشە كوزگە تۇسكەن ەڭبەككەرلەرىن اۋىل شارۋاشىلىعى ءمينيسترىنىڭ ۆەدومستۆولىق مەدالدارىمەن جانە قۇرمەت گراموتالارىمەن ماراپاتتاۋدى ۇيىمداستىردى.