كەنە شاعىپ, كونگو-قىرىم قاندى گەمورراگيالىق قىزباسىنان ەر ادام قايتىس بولدى. 61 جاستاعى ازامات شىمكەنت قالالىق ينفەكتسيالىق اۋرۋحاناسىندا كوز جۇمعان, دەپ جازادى Egemen.kz.
مەديتسينالىق قىزمەتكە تىم كەش جۇگىنگەن ناۋقاستىڭ ءومىرىن اق حالاتتىلار قانشا تىرىسقانىمەن قۇتقارا المادى.
كەنە شاعۋىنان قاۋىپتى ۆيرۋس جۇقتىرىپ, قازا تاپقان ادام تۇركىستان وبلىسىنىڭ تۇرعىنى. مارقۇم سايرام اۋدانىندا مال باعىپ, كۇنەلتكەن. 18 ماۋسىم كۇنى اسا اۋىر جاعايدا جانساقتاۋ بولىمىنە ءتۇسىپ, 21 ماۋسىمدا كوز جۇمعان.
- تۇركىستان وبلىسىنىڭ تۇرعىنى وتە اۋىر جاعدايدا ءتۇسىپ, قازا بولدى. وتە كەش بولدى, اۋرۋىنىڭ ءتورتىنشى كۇنىندە ءتۇستى. بىزگە كەلگەندە ول كىسىنىڭ بارلىق جاعىنان قاناۋ بەلگىلەرى بايقالدى. ەكىنشى جاعداي شىمكەنت قالاسىنىڭ تۇرعىنى, ول 12 جاسار بالا. جاتقانىنا سەگىز كۇن بولدى, پروتوكول بويىنشا 14 كۇن باقىلاپ, ۇيىنە شىعارىلادى. قازىرگى جاعدايى وراشا اۋىر, - دەيدى ينفەكتسيالىق اۋرۋحانانىڭ باس دارىگەرى باقتىعالي ەرەجەپوۆ.