بۇل دەرەكتى شىمكەنت قالالىق پوليتسيا دەپارتامەنتى مالىمدەدى, دەپ حابارلايدى Egemen.kz.
- كامەلەتكە تولماعان بالالارعا تاربيە بەرۋ مىندەتىن دۇرىس اتقارماعانى ءۇشىن كۇدىكتىنىڭ ايەلىنە قاتىستى قىلمىستىق ءىس قوزعالدى. قازىر تەرگەۋ امالدارى جۇرگىزىلىپ جاتىر, – دەپ جازىلعان حابارلامادا.
بۇعان دەيىن شىمكەنتتە اسىراپ العان اتا-اناسى بالالاردى اياۋسىز قورلاعانى باق-تا كەڭىنەن جازىلعان.
بالا قۇقىقتارى جونىندەگى ۋاكىل دينارا زاكيەۆا الەۋمەتتىك جەلىدەگى پاراقشاسىندا شىمكەنتتە اسىراپ الىنعان بالالارعا قاتىستى جانتۇرشىگەرلىك جايتتاردى ايتتى.
- بۇل قىلمىس بويىنشا اقپان ايىنان بەرى قر ءىىم, باس پروكۋراتۋرا جانە شىمكەنت قالاسىنىڭ بالالار قۇقىقتارى جونىندەگى ۋاكىلىمەن بىرلەسە جۇمىس ىستەپ كەلەمىز. بۇل وقيعادا ءبىراز سۇمدىق بار. سونىڭ ءبىرى, بالالاردىڭ ۇلكەنىنىڭ سوزىنشە, اسىراپ الۋشىلار بالالارعا ءزار ىشكىزىپ, ناجىسپەن تاماقتاندىرعان. ءىس سوتقا جىبەرىلدى. سونداي-اق, ولار بالاعا تيەسىلى اقشانى ەشكىلەر ساتىپ الۋعا جۇمساپ, بالاعا باققىزىپ قويعاندارى تۋرالى دەرەك بولەك تەرگەلىپ جاتىر. بۇل جاعدايدا بالالاردىڭ ۇلكەنىنىڭ دەنەسىندەگى كوگەرگەن جەرلەردى كورگەن مەكتەپ مۇعالىمدەرى جانە قامقورشىلىق ورگاندارىنا سۇراق كوپ. ولارعا قاتىستى دا قىلمىستىق ىستەر قوزعالدى, تەرگەۋ ءجۇرىپ جاتىر, - دەيدى دينارا زاكيەۆا.