ەكى تۇرعىننىڭ اراسىندا تۋىنداعان جانجال قايعىلى وقيعاعا سەبەپ بولعان, دەپ حابارلايدى Egemen.kz.
بۇگىن سوت زالىندا ب. ەسىمدى ازاماتقا قاتىستى قىلمىستىق ءىس قارالدى. پاۆلودار تۇرعىنىنا كىسى ءولتىردى دەگەن ايىپ تاعىلعان.
«سوتتىڭ انىقتاۋى بويىنشا 2009 جىلدىڭ 6 شىلدەسىندە ماساڭ كۇيدە بولعان ب., جانجال سالدارىنان ك.-نى تۇنشىقتىرىپ ءولتىرىپ, كەيىن دەنەسىن كولگە باتىرىپ جىبەرگەن», دەلىنگەن سوتتىڭ ءباسپاسوز قىزمەتى تاراتقان حابارلامادا.
سوتتالۋشىنىڭ كىناسى كۋاگەرلەردىڭ ايعاقتارىمەن, سوت ساراپتاماسىنىڭ ناتيجەلەرىمەن جانە سوتتا زەرتتەلگەن باسقا دا دەرەكتەرمەن دالەلدەندى. ەر ادام كىناسىن مويىندادى.
ايتا كەتەيىك, قىلمىسكەر بۇرىن سوتتالعان بولىپ شىقتى.
«بارلىق ءمان-جايدى ەسكەرە وتىرىپ, سوت قىلمىستاردىڭ جيىنتىعى بويىنشا ب.-عا قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەلەرىندە وتەۋمەن 18 جىلعا باس بوستاندىعىنان ايىرۋ جازاسىن تاعايىندادى», دەلىنگەن حابارلامادا.
ۇكىم زاڭدى كۇشىنە ەنگەن جوق.