9 شىلدەدەن 10 شىلدەگە قاراعان ءتۇنى ماڭعىستاۋ تۇرعىندارى اسپاننان ەرەكشە جارقىراعان قۇبىلىستى بايقاعان. بۇل كورىنىستىڭ سۋرەتىن ماڭعىستاۋلىقتار الەۋمەتتىك جەلىلەرگە جاريالاعان, دەپ جازادى Egemen.kz.
جەرگىلىكتى باق-تىڭ مالىمەتىنشە, ءوڭىر تۇرعىندارى اينالاسىندا شەڭبەرلەرى بار جارقىراعان قۇبىلىستى سۋرەتكە ءتۇسىرىپ العان.
9 شىلدە كۇنى كەشكە رەسەيدىڭ بىرنەشە ايماقتارى مەن شىعىس ەۋروپا ەلدەرىنىڭ تۇرعىندارى دا الەۋمەتتىك جەلىلەردە ەرەكشە قۇبىلىستىڭ سۋرەتتەرىن جاپپاي تاراتا باستاعان.
رەسەيلىك باق بۇل نىسان كۋرۋ عارىش ايلاعىنان بۇرىن ۇشىرىلعان Ariane 6 زىمىرانى بولۋى مۇمكىن دەپ تۇجىرىمدادى.
ايتا كەتەيىك, جەڭىل سالماقتى فرانتسۋزدىق Ariane زىمىرانى 9 شىلدە كۇنى كەشكە العاش رەت ءساتتى ۇشىرىلدى.