اتىراۋ وبلىسىنىڭ يندەر اۋدانىندا ءۇش تاۋلىككە سوزىلعان ىزدەستىرۋ جۇمىستارىنان كەيىن 13 جاستاعى ءجاسوسپىرىمنىڭ ءمايىتى تابىلىپ, سۋدان شىعارىلدى, دەپ حابارلايدى Egemen.kz.
وبلىستىق تجد ءباسپاسوز قىزمەتى حابارلاعانداي, وقيعا 5 شىلدە كۇنى كوكتوعاي اۋىلىندا بولعان. 2011 جىلى تۋعان بالا دوستارىمەن بىرگە رۇقسات ەتىلمەگەن جەردە ءجۇزىپ, سۋعا باتىپ كەتكەن.
«بالانىڭ ءمايىتى ىزدەستىرۋ جۇمىستارىنىڭ ءۇشىنىشى تاۋلىگىندە تابىلدى. ونى ىزدەۋگە تجد-نىڭ 10 قۇتقارۋشىسى, ەكى بىرلىك ارنايى تەحنيكاسى جانە ەكى ءجۇزۋ قۇرالى تارتىلعان. ايتا كەتۋ كەرەك, قازىر يندەر اۋدانىنداعى جايىق وزەنىنىڭ تەرەڭدىگى - 16 م, ال ەنى - 200 م. اعىسى دا وتە كۇشتى بولعاندىقتان, اتالعان جەردە شومىلۋ ماۋسىمى ءالى اشىلماعان. اتا-انالاردى قىراعى بولۋعا شاقىرامىز», دەلىنگەن حابارلامادا.