اتىراۋ وبلىسىنداعى ءبىر اۋىلدى مىڭداعان باقا باسىپ قالدى. ۇزىندىعى ەكى سانتيمەتردەن ءسال اساتىن كىشكەنتاي قوسمەكەندىلەر قىزىلقوعانىڭ بۇيرەك اۋىلىنداعى جولداردى, باقشالار مەن ۇيلەردىڭ اۋلاسىن باسىپ قالدى. بۇل تۋرالى Egemen.kz Hello Atyrau باسىلىمىنا سىلتەمە جاساپ حابارلايدى.
جەرگىلىكتى تۇرعىندار بۇل قۇبىلىستى سۋ تاسقىنىنان كەيىن سۋ دەڭگەيىنىڭ تومەندەۋىمەن بايلانىستىرىپ وتىر. قىزىلقوعالىقتار تاڭ قالعانمەن, شاعىمدانعان جوق. ولاردىڭ ايتۋىنشا, بۇرىن-سوڭدى مۇنداي جاعداي بولماعان, ويتكەنى بۇل ايماقتىڭ توپىراعى قۇرعاق ءارى قۇمدى بولىپ سانالادى.
«كوكتەمدە ماڭايىمىزدى سۋ باسىپ قالدى. ويىل وزەنىنىڭ دەڭگەيى كوتەرىلىپ, كەي جەرلەردە سۋ ارناسىنان شىعىپ كەتكەن. قازىر دەڭگەيى ايتارلىقتاي تومەندەدى. سۋى كەتپەگەن جەر باتپاققا اينالىپ, باقا قاپتاپ كەتكەن. اسىرەسە تۇندە كوپ. ۇيگە سەكىرىپ كىرىپ, باقشاداعى قۇلپىناي, تاڭقۋراي, قىزاناق سەكىلدى ءوسىرىپ وتىرعانداردى جەپ كەتەدى», - دەيدى جەرگىلىكتى تۇرعىن اسقار ايدىنوۆ.
ەكولوگتاردىڭ ايتۋىنشا, قازىر قىزىلقوعا ءوڭىرىنىڭ توپىراعى دىمقىل, سول سەبەپتى باقالار پايدا بولعان.