قازاقستاندا جاڭا كولىكتەر ساتىلىمى ەكى ەسەگە ارتتى. Data Hub اناليتيكالىق ارناسىنىڭ مالىمەتى بويىنشا, استانا مەن الماتىدا ءبىر جىلداعى كولەم 60 پايىز بولعان, دەپ حابارلايدى Egemen.kz.
Tengri Auto جازعانداي, 2023 جىلى بولشەك ساۋدا ۇيىمدارى جاڭا جەڭىل اۆتوموبيلدەردى 1,9 تريلليون تەڭگەگە ساتقان. بۇل ۇلتتىق ستاتيستيكا بيۋروسىنىڭ مالىمەتتەرى بويىنشا, بىلتىرعىمەن سالىستىرعاندا نومينالدى ماندە 105 پايىزعا ارتىق.
ساتۋدىڭ نەگىزگى بولىگى, ياعني ءبىر جىلدىڭ جالپى كولەمىنىڭ 60 پايىزى استانا مەن الماتىعا تيەسىلى.
ۇسب مالىمەتىندە, ساتىلعان اۆتوموبيلدەردىڭ ناقتى سانى كورسەتىلمەگەن. الايدا, قازاقستاندىق اۆتوموبيل وداعىنىڭ دەرەكتەرى بويىنشا, 2023 جىلى رەسمي ديلەرلەر 199 مىڭ جاڭا جەڭىل جانە كوممەرتسيالىق اۆتوموبيلدەردى ساتقان, بۇل 2022 جىلمەن سالىستىرعاندا 60 پايىزعا ارتىق.