قاراعاندىدا جاس كاسىپكەرلەرگە گرانت تابىستالدى

گرانتتاردى قالالىق ءماسليحات توراعاسى التىنتورە جانگەلدى ۇلى, قاراعاندى قالاسى اكىمىنىڭ ورىنباسارى داستان امانكەلدى ۇلى, قالالىق جاستار رەسۋرسى ورتالىعىنىڭ ديرەكتورى ياكۋب دجامالوۆ تاپسىرىپ, كونكۋرسقا قوسقان جوبالاردىڭ ۇلكەن بيزنەسكە اينالۋىن تىلەدى.

ايتا كەتەيىك, قاراعاندى قالاسى اكىمىنىڭ جاستار اراسىنداعى كاسىپكەرلىكتى دامىتۋعا جانە قولداۋعا ارنالعان گرانتى ءۇشىنشى جىل بەرىلىپ وتىر.

جەڭىمپازدار 3D-پرينتەر ارقىلى ەرەكشە قاجەتتىلىكتەرى بار ادامدارعا پروتەز جاساۋ, STEAM زاماناۋي جانە يننوۆاتسيالىق ادىستەمەسى بار IT-مەكتەپ, گيپس بۇيىمدارىن شىعاراتىن ءوندىرىس ورنى, ەرەكشە بالالارعا ارنالعان «سەزين» ينكليۋزيۆتى شىعارماشىلىق ورتالىعىن اشۋ, «Blackjump» فيتنەسستۋديا سەكىلدى جوبا-جوسپارلار ۇسىنعان.

سونىمەن بيىلعى قالا اكىمىنىڭ 1 500 000 تەڭگە گرانتىن تومەندەگى جاس كاسىپكەرلەر الدى:1. ەرمولەنكو الەكساندر سەرگەەۆيچ2. بالتاباەۆ عابىلالى ايدارجان ۇلى3. ەجەباەۆا شولپان ەسەنكەلدىقىزى4. سۋببوتين انتون يۋرەۆيچ5. ابلاەۆا فاتيما بەرىكقىزى6. كاكاباەۆ سۇيىندىك مەيىرجان ۇلى7. تولەگەنوۆا جازيرا دارىبايقىزى8. نۇرعازى ءمولدىر ۋاليحانقىزى9. امانكەلديەۆا قاراقات باۋىرجانقىزى10. ارىستانوۆا ديانا مۇحامەدجانقىزى