بۇگىن باس پروكۋراتۋرا جانە ىشكى ىستەر مينيسترلىگىنىڭ ينتەرپول قىزمەتكەرلەرى قازاقستان رەسپۋبليكاسى ارمەنياداعى ەلشىلىگىنىڭ كومەگىمەن قارجى پيراميداسىن باسقارعان ازاماتتى قىلمىستىق جاۋاپكەرشىلىككە تارتۋ ءۇشىن ەلگە ەكستراديتسيالادى, دەپ جازادى Egemen.kz.
كۇدىكتى 2019 - 2021 جىلدار ارالىعىندا قوستاناي وبلىسىنداعى «Finiko» قارجى پيراميداسىنىڭ قۇرىلىمدىق بولىمشەسىن باسقارعان. سول كەزەڭدە 167 ملن تەڭگەدەن استام سوماعا قىرىققا جۋىق جابىرلەنۋشى الدانعان.قىلمىستىق توپقا قاتىسۋشىلاردىڭ ءبىر بولىگى بۇرىن جازانىڭ ءارتۇرلى تۇرلەرىنە سوتتالعان, ال وسى جولى قولعا تۇسكەن كۇدىكتى قىلمىس جاسالعاننان كەيىن ارمەنيادا جاسىرىنعان جانە ول سول ەلدە ۇستالدى.قازىرگى ۋاقىتتا اقتاۋ قالاسىنىڭ تەرگەۋ يزولياتورىنا قاماۋعا الىندى.ايىپتالۋشىعا قىلمىستى جاساعانى ءۇشىن 7 جىلعا دەيىنگى مەرزىمگە بەلگىلى ءبىر قىزمەتپەن اينالىسۋ قۇقىعىنان ايىرىلا وتىرىپ, مۇلكى تاركىلەنىپ, 5 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.