قازاقستان تەننيسشىسى, الەمنىڭ 52-راكەتكاسى اننا دانيلينا ۋيمبلدون ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz.
وتانداسىمىز جۇپتىق سىندا باق سىنادى.
اننا دانيلينا مەن قىتاي وكىلى سيۋي يفان پولشا وكىلدەرى ماگدالەنا فرەنح پەن كاتاجينا كاۆامەن جاسىل الاڭعا شىقتى.
2 ساعات 41 مينۋتقا سوزىلعان تارتىستى ويىندا اننا دانيلينا مەن سيۋي يفان 2 ەيس, 3 برەيكپەن (9 برەيك-پوينت) كوزگە ءتۇستى. پولشا جۇبى 1 ەيس جاساپ, 7 برەيك-پوينتتىڭ ۇشەۋىن پايدالانا الدى.
قازاقستان تەننيسشىسى مەن قىتاي سپورتشىسىنىڭ 1/16 فينالداعى قارسىلاستارى كەيىن انىقتالادى.