«ايبوز» ۇلتتىق ادەبي سىيلىعىنا ارنالعان شىعارمالار قابىلدانىپ جاتىر. بۇل تۋرالى مادەنيەت جانە اقپارات مينيسترلىگى حابارلادى, دەپ جازادى Egemen.kz.
«ايبوز» - وتاندىق قالامگەرلەردى مەملەكەتتىك قولداۋ جانە قازاق ادەبيەتىنىڭ دامۋىنا ىقپال ەتۋ ماقساتىندا مادەنيەت جانە اقپارات مينيسترلىگى قۇرعان ۇلتتىق ادەبي سىيلىق.ۇلتتىق سىيلىققا «ۇزدىك پروزا», «ۇزدىك پوەزيا», «ۇزدىك دراماتۋرگيا», «ۇزدىك ادەبي اۋدارما», «ۇزدىك بالالار ادەبيەتى», «ۇزدىك ادەبي سىن», «ۇزدىك كوميكس» نوميناتسيالارى بويىنشا بۇرىن جاريالانباعان تۋىندىلار قابىلدانادى.بايقاۋعا وتاندىق جازۋشىلار قاتىسا الادى جانە ۇمىتكەرلەردىڭ جاس ەرەكشەلىگىنە شەكتەۋ جوق. ادەبي سىيلىقتىڭ جالپى جۇلدە قورى – 35 ملن تەڭگە. ءار نوميناتسياعا 5 ملن تەڭگەدەن بەرىلەدى.ءوتىنىم 2024 جىلعى 1 مامىردان 1 قىركۇيەككە دەيىن www.aiboz.kz سايتى ارقىلى جولدانۋى ءتيىس. ۇلتتىق ادەبي سىيلىق جىل سوڭىندا تابىستالادى.