اتىراۋ وبلىسىندا قاراقۇرت شاققاننان قىرىلعان مالدىڭ سانى ارتتى, دەپ حابارلايدى Egemen.kz orda.kz-كە سىلتەمە جاساپ.
قازىرگى ۋاقىتتا يندەر, يساتاي, قۇرمانعازى اۋداندارىندا 397-گە جۋىق تۇيە زارداپ شەككەن. ونىڭ 217-ءسى ەمدەلسە, 117-ءسى ەم الىپ جاتىر, 63-ءى قىرىلدى.
وبلىستىق اۋىل شارۋاشىلىعى باسقارماسىنىڭ ءباسپاسوز قىزمەتى: «اۋرۋ مالدىڭ دەنە قىزۋى كوتەرىلىپ, يممۋنيتەتى تومەندەپ, قانى سۇيىلادى. اۋرۋ جانە ولگەن جانۋارلاردان سىنامالار الىنىپ, ۆەتەرينارلىق زەرتحاناعا جىبەرىلدى», دەپ حابارلادى.
مال يەلەرىنە قاراقۇرت مەكەندەيتىن جەرلەردە مال باعۋعا بولمايتىنى ەسكەرتىلدى. اۋرۋ مال تۋرالى دەرەۋ حابارلانۋى كەرەك ەكەنى جانە بارلىق كۇتىم ەرەجەلەرىن ساقتاۋ قاجەتتىگى ايتىلدى.