قوناەۆ قالاسىنىڭ پروكۋرورى ايدوس شورمانوۆ جاس جىگىتتىڭ ولىمىنە اكەپ سوققان اتىسقا قاتىستى مالىمدەمە جاسادى, دەپ حابارلايدى Egemen.kz.
الەۋمەتتىك جەلىلەردە قىلمىسقا كۇدىكتىلەردىڭ قۇقىق قورعاۋ ورگاندارىنداعى بايلانىستارىنىڭ كومەگىمەن جاۋاپكەرشىلىكتەن جالتارىپ جاتقانى تۋرالى اقپارات تاراعان ەدى.
ء«بىز قوعامدىق الاڭداۋشىلىقتاردى تۇسىنەمىز جانە قىلمىس قۇرباندارىنىڭ وتباسىلارى مەن جاقىندارىنا كوڭىل ايتامىز. پروكۋراتۋرا ورگاندارى بۇل ءىستى ەرەكشە باقىلاۋعا العانىن رەسمي تۇردە حابارلايمىز. اتالعان قىلمىستى جاسادى دەگەن كۇدىكپەن التى ادام ۇستالدى. تەرگەۋ سوتىنىڭ سانكتسياسىمەن ولاردىڭ بارلىعى قاماۋعا الىندى. ولاردىڭ ارەكەتتەرى قازاقستان رەسپۋبليكاسى قىلمىستىق كودەكسىنىڭ 99-بابىنىڭ 2-بولىگى بويىنشا سارالانعان», دەدى ايدوس شورمانوۆ.
قوناەۆ پروكۋراتۋراسى بارلىق ءمان-جايلاردى انىقتاۋعا جانە كىنالىلەردى جاۋاپقا تارتۋعا باعىتتالعان وبەكتيۆتى جانە بەيتاراپ تەرگەۋگە كەپىلدىك بەرەدى.
«بارلىق ازاماتتاردى وسى قىلمىسقا قاتىسى بار ادامداردى جاۋاپكەرشىلىكتەن ايىرۋ ارەكەتتەرىنە جول بەرىلمەيتىنىنە سەندىرگىمىز كەلەدى. تەرگەۋگە كومەكتەسەتىن قانداي دا ءبىر اقپاراتى بار كەز كەلگەن ادامدى پروكۋراتۋرا نەمەسە ىشكى ىستەر ورگاندارىنا جۇگىنۋگە شاقىرامىز. سونداي-اق جالعان مالىمدەمەلەر مەن جالعان اقپارات تاراتقانى ءۇشىن قازاقستان رەسپۋبليكاسىنىڭ زاڭناماسىندا جاۋاپكەرشىلىك كوزدەلگەنىن ەسكەرتەمىز», دەپ اتاپ ءوتتى پروكۋرور.
پروكۋرور قازىر جان-جاقتى تەرگەۋ ءجۇرىپ جاتقانىن, سول سەبەپتى ءىستىڭ ەگجەي-تەگجەيلەرىن جاريالاۋ مۇمكىن ەمەس ەكەنىن ايتتى.
«سوندىقتان, ءبىز بارلىق ازاماتتى جەدەل تۇردە كەز كەلگەن مالىمدەمەلەر مەن بولجامداردان اۋلاق بولۋعا, اقپاراتتى تەك رەسمي اقپارات كوزدەرىنەن الۋعا شاقىرامىز», دەپ تۇيىندەدى ايدوس شورمانوۆ.
ەسكە سالا كەتەيىك, 2024 جىلدىڭ 26 ماۋسىمىندا قوناەۆتا اتىس بولىپ, سالدارىنان قالانىڭ جاس تۇرعىنى كوز جۇمدى, تاعى ءبىر ادام اۋىر جاراقات العان ەدى.