سينوپتيكتەر قازاقستاندا 4, 5 جانە 6 شىلدەدە اۋا رايى قانداي بولاتىنى تۋرالى بولجام جاسادى, دەپ حابارلايدى Egemen.kz.
اۋا رايى بولجامىنا سايكەس الداعى كۇندەرى قازاقستان اۋماعىنىڭ باسىم بولىگى تسيكلوننىڭ ىقپالىندا بولادى, ونىڭ سالدارىنان نايزاعاي ويناپ, بۇرشاق جاۋىپ, ەكپىندى جەل سوعادى. 5 شىلدەدە سولتۇستىك-باتىستا, 5-6 شىلدەدە سولتۇستىكتە, ورتالىقتا جانە وڭتۇستىك-شىعىستا, 4-6 شىلدەدە شىعىستا قاتتى جاڭبىر كۇتىلەدى.
«تەك رەسپۋبليكانىڭ باتىسى مەن وڭتۇستىك-باتىسىندا باسىم جاعدايدا اۋا رايى جاۋىن-شاشىنسىز بولادى دەپ كۇتىلەدى. سونداي-اق ەلىمىزدىڭ باتىسىندا كۇندىز وتە قاتتى ىستىق كۇتىلەدى, +33...+43 گرادۋسقا دەيىن جەتەدى», دەلىنگەن حابارلامادا.