«قازگيدرومەت» رمك بولجامى بويىنشا 3 شىلدەدە قازاقستان رەسپۋبليكاسى اۋماعىنىڭ باسىم بولىگىندە جاڭبىر جاۋىپ, نايزاعاي وينايدى, بۇرشاق جاۋى مۇمكىن, دەپ حابارلايدى Egemen.kz.
بولجامعا سايكەس ەلدىڭ سولتۇستىگىندە, شىعىسىندا, ورتالىعىندا قاتتى جاڭبىر جاۋادى. تەك رەسپۋبليكانىڭ وڭتۇستىگى مەن وڭتۇستىك-باتىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيىپ, تۇندە جانە تاڭەرتەڭ سولتۇستىكتە جانە سولتۇستىك-باتىستا تۇمان تۇسەدى.
الماتىنىڭ وڭتۇستىگىندە, شىعىسىندا, پاۆلوداردىڭ ورتالىعىندا, ۇلىتاۋ وبلىسىنىڭ ورتالىعىندا, سولتۇستىك-باتىستا, اباي وبلىسىنىڭ ورتالىعىندا, شىعىس قازاقستاننىڭ سولتۇستىك-باتىسىندا, باتىستا, اتىراۋدىڭ شىعىسىندا, باتىس قازاقستان وبلىستارىنىڭ سولتۇستىگىندە جوعارى ءورت قاۋپى ساقتالادى.
تۇركىستان, قىزىلوردا, جامبىل, الماتى, جەتىسۋ, ۇلىتاۋ, قوستاناي, شىعىس قازاقستان جانە اباي وبلىستارىندا, باتىستا, اتىراۋدىڭ وڭتۇستىك-شىعىسىندا, ماڭعىستاۋدىڭ باتىسىندا, قاراعاندى وبلىستارىنىڭ باتىسىندا وتە جوعارى ءورت قاۋپى كۇتىلەدى.
باتىس قازاقستان جانە اتىراۋ وبلىستارىندا اپتاپ ىستىق ساقتالادى.