سۋ تاسقىنىنان زارداپ شەككەن بقو-نىڭ تۇرعىندارى ءۇشىن 775 ءۇي سالىنىپ, مەملەكەت ەسەبىنەن قوسىمشا 1500 پاتەر ساتىپ الىنادى. بۇل تۋرالى تەرەكتى اۋدانى پودستەپنوە اۋىلىنىڭ تۇرعىندارىمەن كەزدەسكەن ءماجىلىس دەپۋتاتى, «اmanat» پارتياسى فراكتسياسىنىڭ مۇشەسى نارتاي سارسەنعاليەۆ مالىمدەدى, دەپ حابارلايدى Egemen.kz قر پارلامەنتى ءماجىلىسىنىڭ ءباسپاسوز قىزمەتىنە سىلتەمە جاساپ.
ەلدى مەكەن ورال قالاسىنان 10 شاقىرىم جەردە ورنالاسقان. جاقىندا بولعان سۋ تاسقىنىنان اۋىل باسقا ايماقتارعا قاراعاندا كوبىرەك زارداپ شەككەن. قارعىن سۋدىڭ سالدارىنان 481 وتباسى باسپاناسىنان ايىرىلعان.
«بارلىق دۇنيە-م ۇلىك, ءتورت ت ۇلىك سۋ استىندا قالدى. ءۇيدى سۋ باستى. ءبىز كوپبالالى وتباسىمىز. العاشىندا بىزگە مەكتەپتەگى ەۆاكۋاتسيالىق پۋنكتە توسەك-ورىن بەرىلدى. قازىر باسپانا جالداپ جاتىرمىز. مەملەكەتتەن ماتەريالدىق كومەك الدىق. ەندى تەزدەتىپ تۇرعىن ءۇي العىمىز كەلەدى», دەدى جەرگىلىكتى تۇرعىن ماريام قايراتقىزى.
قازىرگى تاڭدا تەرەكتى اۋدانىندا ءبىر قاباتتى 131 ءۇيدىڭ قۇرىلىسى جۇرگىزىلىپ جاتىر. ءار ءۇيدىڭ جالپى اۋدانى – 80 شارشى مەتر. پودستەپنوە اۋىلىندا 106 ءۇي سالىنادى. سالىناتىن ۇيلەردىڭ قۇرىلىسىنا 10 مەردىگەر كومپانيا جۇمىلدىرىلعان. 670 ءۇي يەسىنە 100 اەك (369 200 تەڭگە) مولشەرىندە بىرجولعى ماتەريالدىق كومەك كورسەتىلسە, 506 ءۇي يەسىنىڭ ماتەريالدىق شىعىنى وتەلگەن. سونىمەن قاتار اۋىلدا مەكتەپتى جوندەۋ جۇمىسى باستالعان. جول جوندەۋگە جانە بوگەتتەردى قالپىنا كەلتىرۋ جۇمىستارىنا بيۋدجەتكە ءوتىنىم بەرىلگەن.
«دەپۋتاتتار العاشقى كۇننەن-اق وقيعا ورنىنان تابىلدى. ءوز باسىم, زارداپ شەككەن وتباسىلارمەن بىرنەشە رەت كەزدەستىم, سۋ تاسقىنىنا قارسى ءىس-قيمىل بويىنشا اكىمدىكتەرمەن بىرگە جۇمىس ىستەدىم, باعالاۋ كوميسسيالارىنىڭ جۇمىسىنا اتسالىستىم. بارلىق ماسەلە پرەزيدەنت باقىلاۋىندا بولدى. قازىر ءبىزدىڭ باستى ماقساتىمىز – زارداپ شەككەن جانداردىڭ بارىنشا تەزىرەك قالىپتى ومىرگە ورالۋىنا جاعداي جاساۋ, ۇيلەردى, جەكە قوسالقى شارۋاشىلىقتاردى, الەۋمەتتىك ينفراقۇرىلىمدى, بالاباقشالار مەن اۋرۋحانالاردى قالپىنا كەلتىرۋ», دەدى نارتاي سارسەنعاليەۆ.
ايتا كەتەيىك, بۇعان دەيىن ءماجىلىس دەپۋتاتتارى سۋ تاسقىنىمەن كۇرەسۋ جۇمىستارىنا بارىنشا كومەك كورسەتۋ ءۇشىن زارداپ شەككەن ايماقتاردى ارالاپ شىققان ەدى. دەپۋتاتتار تۇرعىنداردىڭ مۇڭ-مۇقتاجىن قۇزىرلى ورگاندارعا تىكەلەي جەتكىزىپ, قاجەتتى رەسۋرستاردى جەدەل جەتكىزۋدى ۇيىمداستىرعان.