استانادا قر كولىك ءمينيسترى مارات قاراباەۆتىڭ قحر كولىك ءمينيسترى لي سياوپينمەن كەزدەسۋى ءوتتى, دەپ حابارلايدى Egemen.kz.
مينيسترلىك ءمالىم ەتكەندەي, كەزدەسۋ قحر توراعاسى سي ءتسزينپيننىڭ قازاقستانعا مەملەكەتتىك ساپارى شەڭبەرىندە ءوتتى. قوس تاراپ كولىك ينفراقۇرىلىمى سالاسىنداعى ناتيجەلى ىنتىماقتاستىق پەن ەكى ەل اراسىنداعى تۇسىنىستىكتىڭ جوعارى دەڭگەيى ءۇشىن ءوزارا ريزاشىلىقتارىن ءبىلدىردى. قازاقستان مەن قىتاي اراسىنداعى ەكونوميكالىق بايلانىستاردى نىعايتۋعا جانە ساۋدا-ەكونوميكالىق ءىس-قيمىلدى جاقسارتۋعا ىقپال ەتەتىن كولىك باعىتتارىن دامىتۋ جونىندەگى جوبالاردى ىسكە اسىرۋعا ەرەكشە نازار اۋدارىلىپ, قوس تاراپ ىنتىماقتاستىقتى ودان ءارى تەرەڭدەتۋگە مۇددەلى ەكەنىن ءبىلدىردى.