باتىر بەينەسى

باتىردىڭ اتا تەگى جونىندە وڭىرگە بەلگىلى شەجى­رەشى, اقىن قيماديدەن نى­عى­مان ۇلى «اقتىلەستىڭ اۋىز­ەكى شەجىرەسى» ولەڭىندە بىلاي دەپ جىرلاعان ەدى:

«...سۇيىندىك اقىلدى اتا بولعان ىرىس.جاقسىباي ابىز شىققان وسى اتادان,ورناتقان الاشقا ايال, ەلگە تىنىس.جاقسىباي قۇتتىقادام بەل بالاسى,قازاقتىڭ ءسوزىن ۇققان حان, قاراسى.دۇيسەنبى, قۋات دەگەن ەكى ۇلى,تۋ تىككەن بوستاندىققا بوپ تالاسى.ابىزدىڭ مۇتكەن ەكەن نەمەرەسى,جازباعان باتىرلىقتان ەل ۇلەسى. ۇلى وتان سوعىسىندا ەرلىك ەتكەن,سەرىكباي باتىر وتكەن شوبەرەسى...»

بيىل كەڭەس وداعىنىڭ باتىرى سەرىكباي مۇتكەن­ ۇلى­نىڭ مەرت بولعا­نىنا 80 جىل تولادى ەكەن. ەكىنشى دۇنيە­­­جۇزىلىك سوعىس جىلدارى ۋكراينا جەرىندە ەرلىك­پەن قازا تاپقان باتىر بابامىزدىڭ ءجۇرىپ وتكەن جولىن بۇ­گىنگى ۇرپاق ەش ۇمىتپاق ەمەس. قاھارماننىڭ رۋ­­حىنا ءبىز قالاي تاعزىم ەتسەك, ۋكراينا ەلى دە ءدال سو­لاي­­ قادىرلەيدى.

بۇگىندە سەرىكباي مۇتكەن ۇلىنا قاتىس­تى جيناق­تال­­عان مۇرالار قاتارىندا با­تىردىڭ كوپ جەردە تا­رال­­­­عان, ەرتەرەكتە رەستاۆراتسيالانعان جالعىز سۋرەتى, با­­­­تىر اتاعىن العاندىعى جونىندەگى ارحيۆ­تىك قۇ­جات­­تارى, گازەت-جۋرنالدارعا جاريا­لان­عان ماقا­لا­لارى مەن ەستەلىكتەرى, باتىرعا تيەسىلى جادى­گەر­لەر مۋ­زەي قو­رىندا ءبىراز جىلدان بەرى ساقتالىپ كەلە­دى. دە­گەنمەن باتىردىڭ ارتىندا قالعان جادى­گەرلەرى مەن تا­ريحي مۇراسى تولىق جيناقتالدى دەي الماساق كەرەك. ارحيۆ قوي­ناۋىن, قۇجاتتاردى ىندەتەر بولساق, ءالى تالاي جادىگەرگە كەزىگەمىز دەپ نىق سەنىم­مەن ايتا الامىز.

سونىڭ ءبىر ايعاعى رەتىندە سەرىكباي مۇتكەن ۇلىنىڭ كوپ جەردە تارالعان جالعىز سۋرەتىنەن بولەك, تاعى ءبىر جارقىن بەينەسى بەينەلەنگەن تاريحي قۇندى قۇجاتتى كوپشىلىك نازارىنا ۇسىنعاندى ءجون كوردىك. سۋرەت گ.ن.پوتانين اتىنداعى پاۆلودار وبلىستىق تاريحي-ولكەتانۋ مۋزەيى باسشىلىعىنىڭ رۇقساتىمەن ارحيۆتىك قور بولىمىنەن الىنىپ, ءباسپاسوز بەتىندە تۇڭعىش رەت جاريالانىپ وتىر.

ابزال رىمبەك,بۇقار جىراۋ اتىنداعى ادەبيەت جانە ونەر مۋزەيىنىڭ قىزمەتكەرى

پاۆلودار وبلىسى