بۇل تۋرالى اقوردانىڭ ءباسپاسوز قىزمەتى جازدى, دەپ حابارلايدى Egemen.kz.
«مەملەكەت باسشىسى «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى مادەني ورتالىقتاردى ءوزارا قۇرۋ تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى», دەلىنگەن حابارلامادا. زاڭنىڭ ءماتىنى باسپاسوزدە جاريالانادى.
سونداي-اق اقوردا حابارلاماسىندا: «مەملەكەت باسشىسى «تۇركى مەملەكەتتەرى ۇيىمىنا مۇشە مەملەكەتتەردىڭ ۇكىمەتتەرى اراسىنداعى حالىقارالىق قۇرامداستىرىلعان جۇك تاسىمالدارى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى», دەلىنگەن. زاڭ ءماتىنى باسپاسوزدە جاريا ەتىلەدى.